LEXO PA REKLAMA!

SHKARKO APP

E fundit!

x

Rusia i “hedh” benzinë zjarrit/ “Ne qëndrojmë pranë serbëve që jetojnë në Kosovë”

1 Gusht 2022, 13:33, Kosova & Bota CNA

Rusia i “hedh” benzinë zjarrit/ “Ne qëndrojmë

Rusia ka deklaruar mbështetjen e saj të plotë për Serbinë pas situatës së krijuar në veri.

Zëdhënësi i Kremlinit, Dmitry Peskov, ka konfimuar qëndrimin e Rusisë për Serbinë.

“Ne qëndrojmë pranë serbëve që jetojnë në Kosovë. Ne besojmë se kërkesat e autoriteteve të Kosovës janë absolutisht të pabaza”, ka thënë ai.

Një reagim ka pasur edhe nga zëdhënësja e Ministrisë së Jashtme ruse, Maria Zakharova.

Kjo e fundit i ka kërkuar Prishtinës të ndalojë provokimet dhe të mbrojë të drejtat e njeriut, të serbëve që jetojnë në rajonin verior.

“Tensionet përfshinë të dyja palët pasi Kosova njoftoi rregulla të reja kufitare për serbët që hyjnë në vend. Edhe pse Kosova shpalli pavarësinë në shkurt 2008, vendi nuk njihet nga Rusia, Kina, Serbia dhe Kombet e Bashkuara (OKB) në përgjithësi. Megjithatë, mbi 100 vende e njohin sovranitetin e Kosovës. Rregullat e reja kufitare ishin vendosur të hynin në fuqi të hënën, por zbatimi i tyre u vonua për shkak të protestave të serbëve në veri të Kosovës, të cilët hodhën poshtë masën e Prishtinës në lidhje me targat dhe ID-të”,raportojnë mediat ruse.

Zakharova ka shënjestruar edhe misionin e BE-së.

 “Është gjithashtu një shembull se çfarë mendon Bashkimi Europian për rolin e Beogradit, i cili, në fakt, supozohet të durojë privimin e të drejtave të bashkatdhetarëve të tij”, shprehet ajo./CNA.al

Lajmet e fundit nga