web counter
LEXO PA REKLAMA!

SHKARKO APP

App Store
Google Play

‘Mirë se vini në Bashkimin e Komunave Serbe’/ Veriu i Kosovës zgjohet me parulla

1 Gusht 2022, 08:47, Kosova & Bota CNA
‘Mirë se vini në Bashkimin e Komunave Serbe’/ Veriu i
Veriu i Kosovës, Foto: RTS

Të katër komunat në veri të Kosovës janë zgjuar mëngjesin e sotëm me mesazhin “Mirë se vini në Bashkimin e Komunave Serbe”.

Në billborde dhe postera në mbarë Mitrovicën e Kosovës, Leposaviqin, Zubin Potok dhe Zveçanin janë parulla “Kjo është ZSO”, simbole, por edhe mesazhe në gjuhën angleze që promovojnë ZSO-në, shkruan "RTS".

Këto mesazhe janë shfaqur në shëtitoren kryesore në pjesën veriore të Mitrovicës, si dhe në tabelat në hyrje dhe dalje në katër komuna.

Situata në Veri të Mitrovicës u tensionua pasditen e së dielës një ditë para se në Kosovë të niste organizimi i procesit për regjistrimin e targave ilegale në ato “RKS”, në të gjitha qendrat për regjistrimin e automjeteve.

Policia e Kosovës bëri të ditur se janë mbyllur pikat kufitare në Jarinje dhe Bernjak, për shkak të bllokimit të rrugëve dhe u bëri thirrje për qytetarët që të shfrytëzojnë pikat tjera kufitare.

Kjo bëri që qeveria e Kosovës të shtyjë vendimin për pajisjen e qytetarëve serbë me dokumente dhe targa kosovare në territorin e Kosovës për në 1 shtator 2022./euronews

 





Lajmet e fundit nga