LEXO PA REKLAMA!

SHKARKO APP

E fundit!

x

Raundi i dytë për zgjedhjet presidenciale/ Nis numërimi i votave në Turqi

28 Maj 2023, 17:44, Kosova & Bota CNA

Raundi i dytë për zgjedhjet presidenciale/ Nis numërimi i votave

Turqia mbajti sot raundin e dytë të zgjedhjeve presidenciale. Pak më parë, shteti turk mbylli zyrtarisht votimet dhe ka filluar numërimin e votave.

Ky proces do të përcaktojë fituesin e zgjedhjeve, ku garon presidenti aktual, Recep Tayyip Erdogan dhe kandidati i koalicionit opozitar, Kemal Kilicdaroglu.

Sondazhet tregojnë një rezultat të ngushtë mes dy rivalëve politikë.

Ndërkohë, në raundin e parë, në votimet e 14 majit kryesoi Erdogan me një përqindje më të lartë mbështeteje se kundërshtari i tij Kemal Kilicdaroglu, por nuk ia doli të siguronte më shumë se 50% të votave të nevojshme për t’u shpallur fitues dhe për të shmangur balotazhin presidencial.

Kujtojmë se Erdogan fitoi 49.4% të votave, ndërsa kandidati opozitar 44.9% të votave.

Kjo ishte hera e parë në 20 vjet që është në pushtet, që Erdogan nuk fitoi zgjedhjet që në raundin e parë./ CNA.al

Lajmet e fundit nga