web counter
LEXO PA REKLAMA!

SHKARKO APP

App Store
Google Play

Osmani pas takimit me Sarrazin: Beogradi po nxit trazira në Kosovë

27 Maj 2023, 16:00, Kosova & Bota CNA

Osmani pas takimit me Sarrazin: Beogradi po nxit trazira në Kosovë

Gjatë takimit me të dërguarin e Posaçëm të Gjermanisë për Ballkanin Perëndimor, Manuel Sarrazin, presidentja Vjosa Osmani hodhi akuza drejt Serbisë duke thënë se kjo e fundit po nxit trazira në veri të Kosovës për të bllokur vazhdimin e punës institucionale në komunën Leposaviçit, Zveçan dhe Zubin Potok.

Osmani shprehet e bindur se kjo rrëmujë shkaktohet absolutisht nga Beogradi.

“Presidentja Osmani ka theksuar se veprimet kriminale në veri të orkestruara nga struktura ilegale të mbështetura nga Beogradi, kanë për qëllim moslejimin e kryetarëve të ri të komunave në veri të vendit të ushtrojnë detyrat sipas ligjit dhe Kushtetutës dhe instrumentalizimin e popullatës lokale serbe për të krijuar vakum institucional, klimë të përgjithshme frike dhe pasigurie”, u tha në njoftimin e Presidencës kosovare.

Takimi mes Osmanit dhe Sarrazinit vjen një ditë pas përleshjeve mes Policisë dhe grupeve të serbëve lokalë në veri të Kosovës.

Gjatë përplasjeve në Komunën e Zveçanit një ditë më parë u lënduan 5 policë, si dhe u dogjën 4 makina. 

 





Lajmet e fundit nga