web counter
LEXO PA REKLAMA!

SHKARKO APP

App Store
Google Play

E fundit!

x

Putin: Konflikti i Izraelit është i tmerrshëm, Irani nuk është i përfshirë

11 Tetor 2023, 15:44, Kosova & Bota CNA
Putin: Konflikti i Izraelit është i tmerrshëm, Irani nuk
Vladimir Putin

Presidenti rus Vladimir Putin ka thënë se ajo që po ndodh në Izrael është e tmerrshme dhe u bëri thirrje të dyja palëve që të minimizojnë vdekjet e civilëve.

Duke folur në një konferencë në Moskë, Putin, i cili kërkohet nga Gjykata Ndërkombëtare Penale për akuzat për krime lufte në lidhje me Ukrainën - akuzoi gjithashtu SHBA-në për nxitje të tensionit.

"Unë nuk e kuptoj pse Shtetet e Bashkuara po sjellin grupe aeroplanmbajtëse [në rajon]", tha ai - duke iu referuar SHBA-së që dërgoi ndihmë ushtarake shtesë në Izrael.

Putin tha gjithashtu se sugjerimet se Irani mund të ketë qenë i përfshirë në sulmin nga Hamasi ishin të pabaza, megjithëse ia vlen të kujtohet se Rusia dhe Irani kanë një marrëdhënie të ngushtë, me Iranin që konsiderohet madje si mbështetësi kryesor ushtarak i Rusisë.

Irani ka festuar sulmin e Hamasit ndaj Izraelit, por lideri i tij suprem dje mohoi të jetë i përfshirë. Teherani ka qenë një nga sponsorët kryesorë të Hamasit për shumë vite, duke i ofruar ndihmë financiare dhe armë./CNA

 

 





Lajmet e fundit nga