web counter
LEXO PA REKLAMA!

SHKARKO APP

App Store
Google Play

E fundit!

x

Putin, në mbështetje të Palestinës: Lufta, shembull i qartë i dështimit të politikës amerikane

10 Tetor 2023, 15:47, Kosova & Bota CNA
Putin, në mbështetje të Palestinës: Lufta, shembull i
Vladimir Putin

Presidenti rus, Vladimir Putin, ka bërë komentet e tij të para për luftën midis Izraelit dhe Palestinës, duke e cilësuar atë si një "shembull të qartë" të dështimit të politikës amerikane.

"Ne shohim një përshkallëzim të mprehtë të situatës në Lindjen e Mesme. Unë mendoj se shumë do të pajtohen me mua se ky është një shembull i qartë i dështimit të politikës së Shteteve të Bashkuara në Lindjen e Mesme, e cila u përpoq të monopolizonte çdo zgjidhje midis Izraelitëve dhe palestinezëve. Për fat të keq, ata (administrata amerikane) nuk ishin të shqetësuar për gjetjen e kompromiseve të pranueshme për të dyja palët, por përkundrazi, (ata ishin) duke paraqitur idetë e tyre se si duhet bërë kjo, duke ushtruar presion mbi të dyja palët”, tha Putin.

Putin theksoi se duhet të krijohet një shtet i pavarur sovran palestinez. 

"Pa marrë parasysh interesat themelore të popullit palestinez. E kam fjalën, para së gjithash, nevojën për të zbatuar vendimin e Këshillit të Sigurimit të OKB-së për krijimin e një shteti të pavarur sovran palestinez”, shtoi ai.

Kreu i shtetit rus theksoi gjithashtu nevojën për të minimizuar dëmet ndaj popullatës civile dhe u bëri thirrje të gjitha palëve në konflikt që t'i japin përparësi këtij qëllimi./CNA

 





Lajmet e fundit nga