web counter
LEXO PA REKLAMA!

SHKARKO APP

App Store
Google Play

E fundit!

x

Izraeli në luftë me Hamasin/ Mbi 1500 të vrarë dhe mijëra të plagosur  

9 Tetor 2023, 21:23, Kosova & Bota CNA
Izraeli në luftë me Hamasin/ Mbi 1500 të vrarë dhe
Foto nga sulmi

Situate në Izrael është e rëndë. Shifrat e jetëve të humbura vijojnë të rriten. Në përditësimet e fundit të bëra publike rezulton se në total janë vrarë mbi 1500 persona dhe rreth 4 mijë të tjerë janë plagosur.

Rreth 900 njerëz janë vrarë në Izrael që nga sulmi i papritur i së shtunës, duke përfshirë 260 njerëz të masakruar nga persona të armatosur të Hamasit në një festival muzikor, raporton BBC.

Numri i të vdekurve nga sulmet izraelite në Gaza është rritur në pothuajse 690 duke përfshirë 140 fëmijë dhe 105 gra, tha një zëdhënës i ministrisë palestineze të shëndetësisë.

Në një konferencë për shtyp, të raportuar nga disa agjenci ndërkombëtare të lajmeve, zëdhënësi shtoi se 3700 persona të tjerë ishin plagosur.

Kryeministri izraelit Benjamin Netanyahu gjatë fjalës së tij tha se sulmet ajrore në Gaza ishin "vetëm fillimi" dhe shtoi se ato do të bënin "gjithçka për izraelitët e mbajtur rob në Gaza".

Ai u bëri thirrje gjithashtu partive opozitare që të formojnë një qeveri të koalicionit të gjerë, pasi një përpjekje e dy liderëve më të mëdhenj të partive opozitare dështoi të shtunën./ CNA





Lajmet e fundit nga