web counter
LEXO PA REKLAMA!

SHKARKO APP

App Store
Google Play

“E dhimshme, dëgjohen sirena alarmi”/ Ambasadorja shqiptare në Izrael: Përpiqem të bëhem e fortë

9 Tetor 2023, 20:47, Kosova & Bota CNA
“E dhimshme, dëgjohen sirena alarmi”/ Ambasadorja shqiptare
Ambasadorja shqiptare në Tel Aviv, Meri Kumbe

Ambasadorja shqiptare në Tel Aviv, Meri Kumbe ka folur lidhur me situatën në të cilën gjendet Izraeli dhe mënyrën se si ajo e ka përjetuar këtë ngjerje.

Në një intervistë Kumbe u shpreh se ishte si një ëndërr e keqe sidomos orët e para të mëngjesit të ditës së shtunë.

“Situata ndihet nga sirenat e alarmit herë pas here. Fatmirësisht, në Izraelin Qendror nuk janë shumë të shpeshta. Por gjithsesi, ekzistojnë, udhëzimet e autoriteteve lokale janë që qytetarët të qëndrojnë të mbyllur, të qëndrojnë nëpër shtëpi, pranë dhomave të sigurisë, të limitojmë lëvizjet, përjashto njerëzit që kanë për të vajtur në punë. Pjesa tjetër e popullatës është udhëzuar që të bëjë kujdes dhe të evitojë daljet në rrugë. Janë qytete të mëdha, plot jetë, me trafik, është e dhimshme që i shohim këto qytete në këto kushte. Shpesh edhe dëgjohen, mbase jo sirena alarmi, po mund të dëgjohen shpërthime të largëta dhe janë zakonisht shpërthimet e raketave që ndodhin në ajër.Ishte si një ëndërr e keqe.

Ishte hera e parë që e përjetova një situatë të tillë. Ishte vërtet një ëndërr e keqe, sidomos orët e para të mëngjesit të ditës së shtunë. Nuk kishte asnjë laj, i vetmi burim lajmesh ishin vetë njerëzit në rrjetet sociale fillimisht. Ishte herët në mëngjes, ishte e papritur këtu. Personalisht jam e qetë, përpiqem të bëhem e fortë për ato gra, vajza, nëna që marrin në telefon, që shprehin shqetësime. Të gjitha lajmet ndikojnë negativisht, kam bërë maksimumin tim. Jam përpjekur maksimalisht për t’u qëndruar pranë të gjithë atyre personave që na kanë kontaktuar”, tha Kumbe./ CNA





Lajmet e fundit nga