web counter
LEXO PA REKLAMA!

SHKARKO APP

App Store
Google Play

"Na ktheni fëmijët tanë"/ Dëshmitë rrëqethëse për pengjet izraelite: Nuk ka të bëjë me politikën, na i sillni në shtëpi

9 Tetor 2023, 14:10, Kosova & Bota CNA

"Na ktheni fëmijët tanë"/ Dëshmitë

Të dielën në mbrëmje, familjarët e izraelitëve të cilët janë marrë peng nga militantët e Hamasit, u mblodhën për të mbajtur një konferencë shtypi, për të treguar gjendjen në të cilën ndodhen.

“Dy vajzat e mia të vogla, ato janë vetëm bebe. Ata nuk janë as pesë vjeç dhe tre vjeç,” tha Yoni Asher, i cili tregoi se kishte parë videon e personave të armatosur që kapnin gruan dhe dy vajzat e tij të vogla.


Një baba tjetër, Uri David, tha se kishte kaluar 30 minuta në telefon me dy vajzat e tij, Tair dhe Odaya, përpara se të shkëpuste kontaktin me to.

“Dëgjova të shtënat, të bërtiturat në arabisht, u thashë të shtriheshin në tokë dhe të kapeshin për dore. Unë kërkoj që e gjithë bota të shohë se çfarë po kaloj. Ne duhet t'i sjellim fëmijët në shtëpi - dhe sa më shpejt që të jetë e mundur", rrëfeu ai.

Familjet e të zhdukurve i janë lutur qeverisë së Izraelit dhe komunitetit ndërkombëtar që të shikojnë përtej politikës.

“Nuk ka të bëjë me politikë… Është me të vërtetë për njerëzimin. Fëmijët janë atje... ju lutemi ndihmoni ata,” tha Malki Shmetov, djali i të cilit është zhdukur.

Rreth 100 izraelitë, ushtarakë dhe civilë raportohet se janë marrë në Gaza pas sulmit të befasishëm nga grupi militant Hamas mbi komunitetet në jug të Izraelit, raporton "The Guardian". 

Një grup i dytë militant palestinez, Xhihadi Islamik, njoftoi se po mbante gjithashtu më shumë se 30 robër./CNA

 

 

 





Lajmet e fundit nga