web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Izrael/ Si janë përgjigjur vendet e tjera?

9 Tetor 2023, 07:20, Kosova & Bota CNA

Lufta në Izrael/ Si janë përgjigjur vendet e tjera?

Liderët botërorë kanë reaguar në mënyra të ndryshme ndaj sulmit të Hamasit dhe kundërpërgjigjes së Izraelit.

Presidenti i SHBA-së, Joe Biden thotë se mbështetja e vendit të tij për Izraelin është "e fortë dhe e palëkundur". SHBA ka vendosur anije dhe avionë në rajon dhe tha se do të dërgojë municione shtesë në Izrael.

Kryeministri i Britanisë së Madhe, Rishi Sunak ka premtuar "mbështetje të palëkundur" për kryeministrin izraelit, Benjamin Netanyahun. "Ne do të bëjmë gjithçka që mundemi për të ndihmuar. Terrorizmi nuk do të mbizotërojë", tha ai.

Presidenti i Iranit, Ebrahim Raisi tha se Irani mbështet të drejtën e palestinezëve për vetëmbrojtje dhe paralajmëroi se Izraeli duhet të mbahet përgjegjës për rrezikimin e rajonit ndër vite. Hamasi mbështetet nga Irani.

Në Liban, Hezbollahu, një grup i fuqishëm i armatosur i mbështetur gjithashtu nga Irani, shkëmbeu artileri dhe raketa me Izraelin të dielën. Kjo ka ngjallur frikën e një konflikti më të gjerë midis Izraelit dhe shteteve kundërshtare të tij.

Pekini zyrtar u ka bërë thirrje të dyja palëve që të "ushtrojnë vetëpërmbajtje" dhe "të pushojnë menjëherë zjarrin". Media shtetërore ka përsëritur "zgjidhjen mes dy shtete", e cila përfshin krijimin e një shteti të pavarur të Palestinës.

Ministria e Jashtme e Rusisë bëri thirrje për një "armëpushim të menjëhershëm" dhe negociata drejt "një paqeje gjithëpërfshirëse, të qëndrueshme dhe të shumëpritur"./ CNA





Lajmet e fundit nga