web counter
LEXO PA REKLAMA!

SHKARKO APP

App Store
Google Play

Izraeli paralajmëron për 'luftë të gjatë'/ Rriten shifrat e jetëve të humbur, raportohen rreth 1 mijë të vrarë

8 Tetor 2023, 15:53, Kosova & Bota CNA

Izraeli paralajmëron për 'luftë të gjatë'/

Izraeli po lufton për të larguar militantët palestinezë nga territori i tij një ditë pasi Hamasi nisi një sulm vdekjeprurës nga Gaza.

Më shumë se 600 izraelitë janë vrarë dhe 100 janë rrëmbyer në sulmet nga Gaza që nga e shtuna, thotë qeveria izraelite.

Sulmet hakmarrëse ajrore izraelite kanë vrarë të paktën 370 njerëz në Rripin e Gazës, me 2200 të plagosur, thonë zyrtarët palestinezë.

Kryeministri izraelit Benjamin Netanyahu premtoi hakmarrje dhe paralajmëroi për "një luftë të gjatë dhe të vështirë" përpara.

Reagime ka pasur dhe nga ndërkombëtarët.  Sekretari amerikan i Shtetit, Antony Blinken, ka folur për CNN për sulmin e madh.

Ai thotë se qeveria amerikane ka marrë raporte se disa amerikanë kanë vdekur në Izrael - dhe se zyrtarët po përpiqen t'i verifikojnë ato raporte.

Shtetet e Bashkuara "ka gjasa" të japin detaje mbi ndihmën e re ushtarake për Izraelin më vonë sot, thotë ai. “Fokusi ynë i parë është të sigurohemi që Izraeli të ketë atë që i nevojitet”, tha Blinken./ CNA





Lajmet e fundit nga