web counter
LEXO PA REKLAMA!

SHKARKO APP

App Store
Google Play

E fundit!

x

Samiti i Procesit të Berlinit në Tiranë/ Kurti konfirmon pjesëmarrjen

10 Tetor 2023, 12:06, Kosova & Bota CNA
Samiti i Procesit të Berlinit në Tiranë/ Kurti konfirmon
Albin Kurti dhe Edi Rama

Zëdhënësi i Qeverisë së Kosovës, Përparim Kryeziu, ka konfirmuar për mediat vendase se kryeministri Albin Kurti do të marrë pjesë në Samitin e Procesit të Berlinit që do të zhvillohet në Tiranë më 16 tetor. 

Për këtë takim në Tiranë, kryeministri shqiptar Edi Rama nisi edhe një tur ballkanik në kuadër të përgatitjeve. Por, Kurti s’e kishte pritur homologun e tij për shkak se Rama kishte anuluar mbledhjen e dy qeverive pas tensioneve në veri të vendit. 

Samiti i Procesit të Berlinit në Tiranë

CNA mëson se në orën 11:00 të 16 tetorit,  do të nisë dhe pritja zyrtare e liderëve që do të marrin pjesë në samitin e procesit të Berlinit. Samiti do të ndahet në dy sesione.

Në sesionin e parë do ta nisë fjalën kryeministri Edi Rama ndërsa do të pasohet nga Presidentja e Komisionit Evropian Von der Leyen. Më pas do të mbajë fjalën Presidenti i Këshillit Evropian Charles Michel.

Gjithashtu do të ketë takime bilaterale deri në orën 17:45. Në orën 18:00 do të mbahet dhe konferenca për shtyp.

Ndërkohë, Presidenti i Francës, Emmanuel Macron do të bëjë vizitën e parë dypalëshe të një presidenti francez në Shqipëri më 16 dhe 17 tetor gjatë Samitit për Procesin e Berlinit.

Samiti i ashtuquajtur “Procesi i Berlinit”, i nisur në vitin 2014 me iniciativën e ish-kancelares gjermane Angela Merkel, synon të promovojë dialogun politik, bashkëpunimin dhe pajtimin midis gjashtë vendeve të Ballkanit Perëndimor. 

Në Tiranë, fokusi do të jetë veçanërisht në tensionet e ripërtëritura midis Serbisë dhe Kosovës, për ngjarjet e 24 shtatorit, njoftoi presidenca franceze./CNA







Lajmet e fundit nga