web counter
LEXO PA REKLAMA!

SHKARKO APP

App Store
Google Play

E fundit!

x

Thellohet numri i viktimave/ Mbi 2100 të vrarë nga lufta Izrael - Palestinë

11 Tetor 2023, 07:25, Kosova & Bota CNA

Thellohet numri i viktimave/ Mbi 2100 të vrarë nga lufta Izrael -

Sulmet hakmarrëse izraelite ndaj palestinezëve kanë vazhduar pa u ndalur, duke rritur më tepër numrin e viktimave të luftës.

Numri i viktimave në Izrael ka arritur në 1200, ndërsa më shumë se 900 njerëz janë vrarë në sulmet ajrore hakmarrëse në Gaza. Pra, në total janë regjistruar mbi 2100 të vrarë.

Ndërkohë, gjatë natës dhjetëra avionë luftarakë të Forcave Ajrore izraelite kanë goditur më shumë se 200 objektiva në lagjen Al-Furqan në Gaza, që besohet të jetë pika e nxehtë, ku Hamasi harton dhe ekzekuton sulmet e tyre. 

Forcat e Mbrojtjes së Izraelit thonë se ky është kundërsulmi i tretë në zonë gjatë 24 orëve të fundit.

Teksa vijojnë luftimet, SHBA po bisedon me Izraelin dhe Egjiptin për kalimin e sigurt të civilëve të Gazës. Presidenti i SHBA-së Joe Biden dënoi sulmin e Hamasit ndaj Izraelit, duke e cilësuar si një "të keqe të plotë". 

SHBA po rrit ndihmën ushtarake për Izraelin, pas avionit të parë me armë amerikane që mbërriti në Izraelin jugor të martën në mbrëmje.

Nga ana tjetër, Josep Borrell, Përfaqësuesi i Lartë i BE-së për Punët e Jashtme, tha se përgjigjja e Izraelit në Gaza mund të ketë shkelur ligjin ndërkombëtar. 

“Izraeli ka të drejtë të mbrojë veten, por duhet bërë sipas së drejtës ndërkombëtare, ligjit humanitar”, tha ai./ CNA





Lajmet e fundit nga