web counter
LEXO PA REKLAMA!

SHKARKO APP

App Store
Google Play

Situata në veri/ Vuçiç, thirrje KFOR-it: Qëndroni neutralë dhe të paanshëm që të mos ketë tensione

11 Tetor 2023, 11:51, Kosova & Bota CNA

Situata në veri/ Vuçiç, thirrje KFOR-it: Qëndroni

Presidenti i Serbisë, Aleksandar Vuçiç, në një bisedë me komandantin e Komandës së Forcave të Përbashkëta të NATO-s në Napoli, admiralin Stuart Mancha, ka shprehur shqetësim serioz për përkeqësimin e situatës në veri të Kosovës. 

Vuçiç tha se Serbia pret që KFOR-i të mbajë një pozicion neutral dhe të veprojë në mënyrë proaktive për të parandaluar çdo përçarje të situatës së sigurisë në terren.

Nëpërmjet një postimi në "Instagram", Vuçiç thotë se ka pasur një “bisedë të mirë dhe të hapur” me admiralin Mança, në të cilën kanë shkëmbyer mendime për situatën aktuale të sigurisë në rajonet e Ballkanit Perëndimor dhe Lindjes së Mesme.

“Shpreha shqetësimin serioz për përkeqësimin drastik të situatës tashmë të vështirë të komunitetit serb në Kosovë dhe Metohi dhe përsërita se Serbia mbështet angazhimin e KFOR-it në zbatimin e rreptë, të plotë dhe të paanshëm të mandatit të bazuar në Rezolutën 1244 të Këshillit të Sigurimit të OKB-së. Presim që KFOR-i të mbajë një pozicion neutral ndaj statusit dhe të veprojë në mënyrë proaktive për të parandaluar çdo shkelje të situatës së sigurisë në terren”, ka shkruar Vuçiç./CNA

 

 

 





Lajmet e fundit nga