web counter
LEXO PA REKLAMA!

SHKARKO APP

App Store
Google Play

"Dështoi me politikat në Kosovë"/ Xhon Bolton kritika BE-së, paralajmërimi i fortë

8 Tetor 2023, 21:04, Aktualitet CNA
"Dështoi me politikat në Kosovë"/ Xhon Bolton kritika
Xhon Bolton, ish-këshilltari i Sigurisë Kombëtare të Shteteve të Bashkuara

Në puntatën e parë të emisionit “Fokus” u trajtuan tensionet në veri të Kosovës dhe qëndrimet e Shteteve të Bashkuara dhe Bashkimit Evropian.

Xhon Bolton, ish-këshilltari i Sigurisë Kombëtare të Shteteve të Bashkuara kritikoi BE-në, duke thënë se ka dështuar me politikat e saj në uljen e tensioneve dhe arritjen e dialogut mes palëve.

Ai deklaroi në emisionin “Fokus” në CNA se duhet kuptuar që Kosova është një shtet i pavarur dhe do të mbesë i tillë.

“Politikat e BE kanë dështuar në shumë drejtime aty. Raportet e medias për afrimin e forcave serbe në kufi janë shqetësuese. Serbia tha se nuk ka pasur trupa në kufi dhe gjoja janë tërhequr. Mbase ky incident mbaroi, por thekson destabilitetin e trashëguar, që ka qenë treguar prej shumë vitesh. Është në interes të të gjithëve të kuptojnë që Kosova është një vend i pavarur dhe do të mbesë vend i pavarur”, u shpreh Bolton, ndërsa paralajmëroi se Ballkani Perëndimor rrezikohet nga destabiliteti.

“Ka çështje që duhet të zgjidhen me Serbinë, por çdo vend në Ballkan dhe Europë duhet ta favorizojë Kosovën ta kalojnë këtë. Ka rrezik se diçka mund të shkojë keq në një kohë kur përballemi me Ukrainën dhe nuk është koha të përballemi me destabiltet në Ballkan”, vijoi ai.

Ish-zyrtari amerikan tha se shpreson që presidenti serb, Aleksandër Vuçiç të mos jetë duke menduar të ndjekë shembullin e Rusisë me Ukrainën.

“Shpresoj që jo. Kam besuar që rregulli, ligji në Europë ka qenë që nga vitit ’45, por dhunuar disa herë në Jugosllavi, se ju nuk mund të përdorni forcë për të ndryshuar kufijtë në kontinetin e Europës. Ky është rregulli, është në interes të Amerikës që ky ligj të zbatohet sepse stabiliteti në Europë është në interesin amerikan, kushdo që e thyen këtë nuk do të marrë pritje të ngrohtë në Uashington”, theksoi ai./ CNA





Lajmet e fundit nga