web counter
LEXO PA REKLAMA!

SHKARKO APP

App Store
Google Play

E fundit!

x

Shqiponja plagoset dhe lidhet në portë/ Policia del me reagim zyrtar, nis hetimet për autorin

8 Tetor 2023, 17:16, Aktualitet CNA

Shqiponja plagoset dhe lidhet në portë/ Policia del me reagim zyrtar,

Policia ka dalë me një reagim zyrtar në lidhje me shqiponjën që ishte keqtrajtuar në mënyrë barbare në fshatin Buhal të Përmetit.

Blutë bëjnë me dije se shpendi ishte plagosur dhe lidhur në portë me qëllim balsamosjen e gjallë.

Aktualisht ka nisur puna për identifikimin e autorit, ndërkohë, për shqiponjën bëhet me dije se është duke marrë ndihmë të specializuar mjekësore nga veterineri.

"Shërbimet e Komisariatit të Policisë Përmet, specialistët e Agjencisë së Zonave të Mbrojtura dhe një veteriner, i shkojnë në ndihmë një shpendi (shqiponjë) që ishte keqtrajtuar në fshatin Buhal, rast për të cilin Policia u njoftua nga shtetasja S. L.

Vijon puna për identifikimin e shtetasit që ka plagosur dhe ka lidhur shpendin, në një portë, me qëllim balsamosjen të gjallë.

Rasti, me një impakt të lartë publik në rrjetet sociale, u vlerësua me seriozitet dhe menjëherë nga shërbimet e Policisë, të cilat vijojnë veprimet hetimore dhe procedurale për të identifikuar dhe për të nxjerrë përpara përgjegjësisë penale, autorin e këtij krimi që parashikohet dhe ndëshkohet nga neni 207/c i Kodit Penal.

Shpendi (shqiponja), aktualisht po merr ndihmë të specializuar mjekësore nga veterineri, i cili ka asistuar shërbimet e Policisë, gjatë veprimeve për lirimin e shpendit, nga porta ku ishte lidhur.

Policia e Shtetit fton qytetarët që të denoncojnë në numrin 112, çdo paligjshmëri që ata hasin. Reagimi ndaj të gjitha denoncimeve do të jetë i menjëhershëm dhe konform ligjeve", thuhet në njoftimin e policisë./ CNA





Lajmet e fundit nga