web counter
LEXO PA REKLAMA!

SHKARKO APP

App Store
Google Play

Prokuroria e Fierit reagon për protestën e punonjësve të fasonerisë

8 Tetor 2023, 09:52, Aktualitet CNA

Prokuroria e Fierit reagon për protestën e punonjësve të

Prokuroria e Fierit ka reaguar lidhur me një protestë të organizuar një ditë më parë nga gratë e një fasonerie në Fier.

Përpara godinës së institucionit, ata kërkonin që të merret sa më parë në shqyrtim kallëzimi që kanë bërë për pronarët e kompanisë për mosmarrjen e pagave për dy muaj.

Prokuroria Fier ka sqaruar lidhur me hetimet për kallëzimin penal të grupit të punonjësve ndaj subjektit O.A. shpk se më datë 09.08.2023,  Gjykata e Shkallës së Parë e Juridiksionit të Përgjithshëm Fier ka regjistruar procedimin penal nr.957, për veprën penale “Falimentimi i provokuar”, parashikuar nga neni 193, i Kodit Penal.

Ky procedim penal ka filluar mbi bazën e kallëzimit penal të paraqitur nga një grup punonjësish të subjektit “O.A” SH.P.K., me administrator z. E.T, të cilët pretendojnë për shkelje ligjore të kryera nga kjo shoqëri lidhur me mosdhënien e pagave dhe mbylljen e aktivitetit.

Në funksion të hetimeve janë kryer një sërë veprimesh hetimore.

Çështja penale është ende në hetim dhe po vijon puna me kryerjen e veprimeve të tjera hetimore me qëllim zbardhjen e plotë të ngjarjes dhe zbulimin e së vërtetës./ CNA





Lajmet e fundit nga