web counter
LEXO PA REKLAMA!

SHKARKO APP

App Store
Google Play

E fundit!

x

Fuqizimi i të rinjve/ Përfundon me sukses Forumi Rinor i Ballkanit Perendimor 2023

7 Tetor 2023, 16:55, Aktualitet CNA

Fuqizimi i të rinjve/ Përfundon me sukses Forumi Rinor i Ballkanit

Në prag të Samitit të Berlinit 2023 në Tiranë është zhvilluar Forumin Rinor i Ballkanit Perendimor 2023.

Forumi u mbajt në datat 6-7 tetor 2023 me mbështetjen e RYCO për të tretin vit radhazi, si dhe me mbështetjen e ngushtë të qeverisë gjermane dhe asaj shqiptare.

Nën sloganin “Balkan Youth Express” ky forum mblodhi së bashku më shumë se 90 pjesëmarrës duke përfshirë 36 pjesëmarrës të rinj nga rajoni, ministra, aktorë të ndryshëm lokalë dhe rajonalë, përfaqësues institucionalë etj.

Agjenda startoi në Qendrën për Hapje dhe Dialog në Tiranë dhe prej andej të gjithë pjesëmarrësit nisën një udhëtim me tren nga Elbasani në Durrës. Gjatë udhëtimit, të rinjtë u angazhuan në diskutime produktive të ndarë në grupe duke u fokusuar në 3 shtyllat kryesore të Deklaratës së Berlinit për të formësuar planet e veprimit. Një ditë më vonë, të rinjtë prezantuan pikat e veprimit para aktorëve lokalë në aktivitetin përmbyllës tek Piramida e Tiranës.

U prezantuan plane konkrete veprimi si një mjet për te adresuars 3 shtyllat kryesore të Deklaratës së Berlinit: Demokracitë e Qëndrueshme, Paqja dhe Siguria Gjithëpërfshirëse dhe Jetesa e Qëndrueshme.

Ministrja Bora Muzhaqi nënvizoi në fjalën e saj të hapjes në COD, rëndësinë e aktiviteteve të këtij viti para samitit, përfshirë Forumin Rinor, pasi Shqipëria luajti një rol të dyfishtë, duke shërbyer si Kryesia e RYCOs dhe mikpritëse e Samitit të Procesit të Berlinit./ CNA





Lajmet e fundit nga