web counter
LEXO PA REKLAMA!

SHKARKO APP

App Store
Google Play

E fundit!

x

S’mjaftojnë skandalet me Wizz Air, edhe Orban kundër Kosovës

7 Tetor 2023, 16:13, Aktualitet CNA
S’mjaftojnë skandalet me Wizz Air, edhe Orban kundër
Foto ilustruese

Wizz Air është një nga kompanitë më skandaloze të fluturimit, e cila njihet si “makthi” i qytetarëve.

Vjen si një kompani me kosto të ulët, por të shumta kanë qenë denoncimet nga qytetarët që kanë treguar kalvaret e vuajtjeve që u shkakton kjo kompani fluturimi duke kaluar çdo lloj parashikimi.  

Raste të shumta denoncimi nga pasagjerët janë publikuar në CNA, të cilët tregonin që niseshin për në një shtet të caktuar dhe përfundonin në një shtet tjetër, duke u detyruar të prisnin me orë të tëra për të arritur në destinacion.

Vonesat e kësaj linje ajrore janë një tjetër moment ankthi për qytetarët që zgjedhin të udhëtojnë me Wizz Air.

Pasagjerët shpesh kanë denoncuar vonesat edhe në rrjetet sociale, ku kanë treguar se për shkak të moskorrektësisë të kësaj linje kanë humbur punë shumë të rëndsishme.

Vonesat e përsëritura jo vetëm që prishin planet e udhëtimit të pasagjerëve, por gjithashtu reflektojnë keq në reputacionin e linjës ajrore.

Të tjera skandale të denoncuara lidhen me pagesat shtesë që udhëtarët duhet të paguajnë për të arritur në orën e caktuar në destinacion.

Por përtej kësaj, vlen të theksohet fakti që kjo kompani, me një reputacion të keq dhe skandaloze në shërbimet e saj që u kushton pasagjerëve shqiptarë, para, vonesa, makthe është në pronësi të hungarezëve.

Por nga ana tjetër, shqiptarët duhet të përballen edhe me deklaratat e kryeministrit hungarez , Victor Orban, i cili del hapur kundër Kosovës dhe për sulmin ku mbeti i vrarë një efektiv policie, e drejton gishtin e fajtorit nga Kosova, duke thënë se duhet të ndalet me provokimet që i bën Serbisë.

Pra shqiptarët paguajnë një kompani hungareze dhe si këmbim marrin vonesa, orë të tëra pritje, apo pagesa shtesë për të shkuar në destinacion dhe reagimin kundër Kosovës, të cilës i bëhet një sulm nga një grup terrorist dhe kryeministri Orban e quan provokim për Serbinë./ CNA





Lajmet e fundit nga