web counter
LEXO PA REKLAMA!

SHKARKO APP

App Store
Google Play

E fundit!

x

Denoncim-"Wizz Air" e kthen avionin si urban, ndryshon destinacion pa njoftuar pasagjerët/ Nervozohet gazetari: A ka shtet që i mbron shqiptarët

4 Janar 2023, 14:19, Aktualitet CNA

Denoncim-"Wizz Air" e kthen avionin si urban, ndryshon destinacion pa

Ishin nisur për të udhëtuar drejt Londrës me avion, por kanë përfunduar në Greqi.

Kështu ka ndodhur me 1 janar 2023 me kompaninë "WizzAir”, e cila pa njoftuar pasagjerët ka ndërruar destinacion.

Denoncimi është bërë nga gazetari Arben Manaj, në rrjetet sociale.

“E pabesueshme! Sot në linjën e Wizzair Tiranë-Londër, avioni në vend që të nisej drejt Londrës, për katër grekë ka fluturuar fillimisht drejt Selanikut, përkundër zemërimit të pasagjerëve! Kjo ndodh vetëm me pasagjerë shqiptarë! 

Ose kjo është pjesë e Pakos se Madhe për shqiptarët që trajtohen si asnjë komb tjetër! Mirë që s’ka pasur ndonjë pasagjer për Ruanda!  A ka shtet që i mbron shqiptarët!?! Une e di përgjigjen! Nëse e dini, ma konfirmoni gjithësesi!” shkruan Manaj.

Qytetarët që kanë udhëtuar me këtë linjë, kanë zbuluar edhe detaje, ndërsa kanë komentuar në denoncimin e gazetarit në rrjete sociale.

Ata kanë nxjerrë edhe itinerarin e lëvizjes së avionit.

Dhe njëri prej tyre, me “FlightRadar24” tregon lëvizjen e linjave "WizzAir" në të gjitha ditët, të cilat janë të shënuara me ngjyrë jeshile.

Vetëm për ditën kur avioni ka ndaluar fillimisht në Selanik dhe pastaj është drejtuar në Londër, është me ngjyrë gri, duke shtuar akoma më shumë dyshimet për këtë lëvizje të paplanifikuar.

“Mos kanë fluturuar off-record këta, se nuk mund të ketë shpjegim tjetër”, shkruan një prej qytetarëve./CNA.al





Lajmet e fundit nga