"Rama shqyen dyert për Kinën,asnjë masë antiCOVID"/ Tritan Shehu me tone të ashpra ndaj Komitetit të Ekspertëve

3 Janar 2023, 19:41, Aktualitet CNA

"Rama shqyen dyert për Kinën,asnjë masë

Deputeti i PD, Tritan Shehu ka kritikuar me tona të ashpra qeverinë lidhur me masat antiCOVID, që nuk janë ndërmarrë ndaj Kinës.

Përmes një reagimi në rrjetet sociale ai shprehet se qeveria nuk po merr masa ndaj situatës së rrezikshme, dhe po vepron ndryshe nga Bashkimi Europian dhe Britania e Madhe.

Ai e cilësoi Komitetin e Ekspertëve si të kapur nga Rama, pasi nuk po merr masa mbrojtëse.

Reagimi i plotë:

Ndërsa Rama i „shqyen dyert“ për Kinën, edhe BE i vendos kufizimet mbrojtëse.

Vazhdon politika e “dyerve të shqyera” për Kinën, mbas heqjes së rregjimit të vizave, një vendim ky tejet negativ politikisht e me pasoja të rënda për Shqipërinë.

Në këtë linjë janë dhe “vendimet” e komanduara të “Komitetit të eksperteve” Covid.

Më 30 Dhjetor ky “komitet” vendosi të mos marrë asnjë masë mbrojtëse ndaj situatës shumë të rrezikeshme Covid në Kinë, për pasojat e saj të mundshme në Shqipëri.

Kjo megjithëse ShBA, Italia, e shumë vende vendosen rregjimin e testit negativ COVID për vizitorët kineze.

Ndërkaq “Komiteti”, ynë si një “kamikaze” e Ramës e argumetoi mos veprimin e tij duke thënë se Britania e Madhe dhe BE në tërësi nuk kanë marrë një masë të tillë.

Por pikërisht atë ditë Britania e Madhe e deklaroi atë rregjim.

Sot një vendim të tillë mbrojtës e mori dhe Komiteti për Sigurinë Shëndtësore të BE, pra vetë BE-ja.

Për hir të së vërtetës dua të theksoj se asnjë nga këto vende nuk e ka prekur rregjimin e vizave për kinezët, ndërsa Rama në shembullin e Vuçiçit e hoqi atë.

Dhe më tej pengon të merren masat mbrojtëse anti Covid ndaj Kinës, si pasojë e situatës së rëndë të krijuar përsëri aty.

Pa përgjegjshmëri tjetër e thellë kjo, në vazhdim të gabimit të rëndë politik të heqjes së vizave.

Ndërsa edhe OBSh vetë, që nuk dallohet për vendimarje ndaj Kinës, u detyrua t’i kërkojë asaj një informacion të detajuar për sa po ndodh aty…..

Informacion që realisht prej 3 vitesh nuk po arrin kurrë….

Në këtë situate dëshiroj të pyes atë “Komitet”:

Po tashmë që jo vetëm Britania, por dhe BE morën vendimet përkatëse mbrojtëse a do të mblidhet me urgjencë Komiteti ynë, jo për Kinën, por për të mbrojtur Shqipërinë nga rrezikut prej andej.

Ndryshe jo vetëm do ta paguajmë përsëri shtrenjtë nga ana shëndetësore këto “flirtime” me Kineën e Lindjen, por rrezikojmë që BE dhe partneret e tjerë mbas pak të na izolojnë neve si Kinën.

Në fakt vetë heqja e vizave për qytetarët kineze nga Rama, rrezikon që Perendimi e Europa të na heqë kështu gradualisht „vizën neve!