web counter
LEXO PA REKLAMA!

SHKARKO APP

App Store
Google Play

Zjarri në shkollën 9-vjeçare/ Kushi, thirrje policisë dhe bashkisë së Mallakastrës: Bëni hetim të plotë

3 Janar 2023, 15:46, Aktualitet CNA
Zjarri në shkollën 9-vjeçare/ Kushi, thirrje policisë dhe
Ministrja e Arsimit dhe Sportit, Evis Kushi

Ministrja e Arsimit dhe Sportit, Evis Kushi, ka reaguar për zjarrin e rënë në një nga klasat e shkollës 9-vjeçare “5 Shkurti”, në Ballsh.

Me anë të një statusi në rrjetet sociale, Kushi deklaron se flakët kanë nisur nga një shkëndijë elektrike dhe ka shkaktuar dëme fizike dhe materiale.

Ajo i bën thirrje Policisë së Mallakastrës dhe bashkisë që të bëjnë sa më parë një hetim të plotë të shkaqeve që çuan në këtë incident.

Gjithashtu, garanton marrjen e masave që shkolla të jetë gati të presë nxënësit të enjten.

“Po ndjekim nga afër me vëmendje zhvillimet në lidhje me ngjarjen e ndodhur në shkollën 9-vjeçare "5 Shkurti" në Mallakastër, ku si pasojë e zjarrit në njërën prej klasave janë shkaktuar dëme fizike dhe materiale.

Sipas informacioneve zyrtare paraprake, shkak i zjarrit ka qenë një shkëndijë elektrike, por megjithatë kërkoj nga organet kompetente, jo vetëm Policia e Mallakastrës por edhe Bashkia, si institucioni përgjegjës për sigurinë e shkollës, që të bëjnë sa më parë një hetim të plotë të shkaqeve që çuan në këtë incident.

Falënderoj veçanërisht punonjësit e zjarrfikëses dhe personelin e shkollës, të cilët kanë ndërhyrë në kohë rekord, duke parandaluar përhapjen e zjarrit në klasat e tjera.

Dëshiroj të informoj opinionin publik se po marrim të gjitha masat, në bashkëpunim me Bashkinë dhe Zyrën Arsimore Mallakastër, që shkolla të jetë gati për të pritur nxënësit ditën e enjte, më datë 5 janar, kur rinis procesi mësimor në të gjitha shkollat e vendit”, thekson ministrja. / B.A. – CNA.al





Lajmet e fundit nga