E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Nisja e satelitëve në hapësirë/ Ministria e Mbrojtjes zbulon detaje: Do të përdoren 3 vite

3 Janar 2023, 20:09, Aktualitet CNA

Nisja e satelitëve në hapësirë/ Ministria e Mbrojtjes zbulon

Raketa Falcon 9

Ministria e Mbrojtjes ka dhënë detaje në lidhje me lëshimin në hapësirë të raketës Falcon 9 me dy satelitët “Albania 1” dhe “Albania 2”.

Ministria bën me dije se konkretisht raketa është lëshuar në orën 14:56.

Dy satelitët, me vlerë 6 milion dollarë, do të përdoren për një periudhë 3 vjeçare, për monitorimin e Shqipërisë, zhvillimin e kapaciteteve teknike e profesionale për përdorimin e shërbimit satelitor, përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj.

“Raketa Falcon 9, misioni i përbashkët i SpaceX Transporter 6, e cila transporton edhe Satelitët “Albania 1” dhe “Albania 2” u lëshua në hapësirë nga stacioni në Cape Canaveral, Florida, sot në orën 9:56 me orën lokale, 14:56 me orën në Tiranë.

Video - Lëshohet raketa/ Satelitët Albania 1 dhe Albania 2 po ngrihen në hapësirë
3 Janar, 18:05

Dy satelitët lëshohen në kuadër të kontratës se shërbimit Satelitor në fushën e mbrojtjes dhe sigurisë për monitorimin me teknologji të avancuar të territorit të Republikës së Shqipërisë ndërmjet Agjencisë Kombëtare të Mbrojtjes Civile dhe Operatorit “Satellogic USA Inc., me vlerë 6 milion dollarë.

Në bazë të kontratës dy satelitët do të përdoren për një periudhë 3 vjeçare, për monitorimin e territorit të Republikës së Shqipërisë, zhvillimin e kapaciteteve teknike e profesionale të Republikës së Shqipërisë për përdorimin e shërbimit satelitor, përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj.

Ky shërbim do tju mundësojë institucioneve përfituese marrjen e Imazheve satelitore, të cilat sigurojnë një mbulim gjithëpërfshirës dhe periodik të sipërfaqes tokësore, duke mundësuar përdorime të shumta dhe një mori informacionesh dhe gjeoinformacioni për vendimmarrësit dhe planifikuesit si në sektorin publik ashtu edhe në atë privat, për politika dhe vendimmarrje efektive”, njofton ministria e Mbrojtjes./ B.A. – CNA.al