Pse Kim Jong Un dëshiron që ju të njiheni me vajzën e tij?

11 Shkurt 2023, 16:32, Kosova & Bota CNA

Me vajzën e tij të vogël pranë në dy ngjarjet ushtarake këtë javë, Kim Jong Un i tha botës dy gjëra, familja Kim do të sundojë Korenë e Veriut me anë të brezit tjetër, si dhe do të ketë armë bërthamore për t'u siguruar që askush nuk mund t’i sfidojë.

Vajza, që besohet të jetë fëmija i dytë i Kim, 9-vjeçarja Ju Ae, iu bashkua udhëheqësit të Koresë së Veriut dhe gruas së tij në një banket ushtarak të Phenianit të martën mbrëma.

Një ditë më vonë ajo vëzhgoi se si 11 raketa balistike ndërkontinentale (ICBM) po parakalonin në sheshin KIm Il Sung në kryeqytetin e Koresë së Veriut.

Njihuni me Kim-s

Sundimi i familjes Kim në Korenë e Veriut shtrihet në vitin 1948, kur Kim Il Sung erdhi në pushtet pas Luftës së Dytë Botërore.

Kur Kim Il Sung vdiq në 1994, dhe më pas djali i tij Kim Jong Il mori kontrollin. Kur Kim Jong Il ndërroi jetë, në dhjetor 2011, djali i tij Kim Jong Un erdhi në pushtet.

Pse Kim Jong Un dëshiron që ju të njiheni me vajzën e tij?

Vëzhguesit perëndimorë besojnë se Kim Jong Un ka tre fëmijë dhe se Ju Ae është fëmija i tij i mesëm, megjithëse kjo nuk mund të verifikohet nga askush jashtë Koresë së Veriut, shkruajnë mediat e huaja.

A nuk është pak herët për një pasardhës?

Nuk është i pari ky precedent, pra që Kim të identifikojë pasardhësin e tij kaq herët, sepse kështu bëri me të babai i tij, Kim Jong Il, tha Cheong Seong-chang, një analist i lartë në Institutin Sejong në Korenë e Jugut.

Më herët, thashethemet dhe spekulimet qarkulluan për një kohë të gjatë se djali i parë i Kim Jong Il, Kim Jong Nam, ose djali i dytë, Kim Jong Chol, do të ishte pasardhësi.

Kur u vu në qendër të vëmendjes vajza e Kimit?

Spekulimet se Ju Ae do të ishte pasardhësi i Kim-it u shfaqën nëntorin e kaluar kur media shtetërore publikoi fotografi të saj dhe Kim-it duke inspektuar një raketë balistike të Koresë së Veriut përpara zhvillimit të një prove.

Media shtetërore e Koresë së Veriut publikoi më vonë një histori me fotot e Kim dhe vajzës së tij, duke e përshkruar atë si fëmijën e tij "më të dashur".

Pse Kim Jong Un dëshiron që ju të njiheni me vajzën e tij?

Fotot në mediat koreano-veriore treguan gjithashtu vajzën duke vizituar një fabrikë raketash me babanë e saj afër fundit të vitit 2022.

Çështja për trashëgimi, apo është kjo vetëm një marifet PR?

Vendosja e saj përpara dhe në qendër të ngjarjeve ushtarake që në moshë të re do ta lejojë atë të krijojë besueshmëri me ushtrinë me kalimin e kohës, tha analisti i lartë në Institutin Sejong në Korenë e Jugut, Cheong Seong-chang.

Por vëzhguesit e analistët e tjerë nuk janë të bindur.

Paraqitjet e saj të fundit mund të jenë thjesht një mënyrë për të ridrejtuar vëmendjen e botës te ushtria e Phenianit pas lodhjes së audiencës pas një viti testimi rekord të raketave , tha Chun In-bum, një gjeneral i Koresë së Jugut, i cili tashmë është në pension./ CNA.al