web counter
LEXO PA REKLAMA!

SHKARKO APP

App Store
Google Play

E fundit!

x

Princi Charles pranon 1 milion paund nga familja e Osama bin Laden

31 Korrik 2022, 16:37, Kosova & Bota CNA
Princi Charles pranon 1 milion paund nga familja e Osama bin Laden
Princi Charles i Uellsit

Princi Charles i Uellsit ka marrë një donacion prej 1 milion paundësh për bamirësinë e tij nga të afërmit e Osama bin Ladenit.

Sunday Times raporton se mbreti i ardhshëm ka panuar pagesën nga Bakr bin Laden, patriarku i familjes saudite dhe vëllai i tij Shafiq.

Sipas mediave ndërkombëtare, Princi Charles ka mbajtur një takim privat me Bakr në Clarence House në Londër më 30 tetor 2013, dy vjet pasi Osama bin Laden u qëllua për vdekje nga forcat speciale amerikane në Pakistan.

Por Clarence House kundërshton me forcë pretendimet dhe deklaronn se vendimi për të pranuar paratë, u mor vetëm nga administruesit e Fondacionit Bamirës të Princit të Uellsit (PWCF).

“Fondacioni i Bamirësisë së Princit të Uellsit na ka siguruar se është ndërmarrë kujdes i plotë për pranimin e këtij donacioni. Vendimi për të pranuar është marrë vetëm nga Administratorët e Besuar të bamirësisë dhe çdo përpjekje për ta karakterizuar atë ndryshe është e rreme”, u shpreh një zëdhënës i Clarence House, ndërkohë këtë gjë ka pohuar edhe PWCF.

“Dhurimi nga Sheik Bakr bin Laden në vitin 2013 u konsiderua me kujdes nga Administratorët e PWCF në atë kohë. U krye kujdesi i duhur, me informacion të kërkuar nga një gamë e gjerë burimesh, duke përfshirë edhe qeverinë. Vendimi për të pranuar donacionin u mor tërësisht nga Administratorët e Besuar. Çdo përpjekje për të sugjeruar të kundërtën është mashtruese dhe e pasaktë", tha në një deklaratë Sir Ian Cheshire, kryetar i Fondacionit Bamirës të Princit të Uellsit, ku u depozituan paratë.

“The Guardian”, duke cituar një burim të afërt me bamirësinë, shkruan se pas një shqyrtimi të plotë të çështjeve, është arritur në përfundimin se veprimet e një anëtari të familjes bin Laden nuk duhet të njollosin të gjithë familjen.

Kujtojmë se ky lajm vjen një muaj pasi u zbulua se Princi i Uellsit pranoi çanta me miliona euro në dorë, gjatë takimeve me ish-kryeministrin e Katarit./ B.A. – CNA.al





Lajmet e fundit nga