web counter
LEXO PA REKLAMA!

SHKARKO APP

App Store
Google Play

Policia malazeze zbardh ngjarjen/ Si ndodhi masakra në Cetinjë, viktimë e të shtënave edhe dy të mitur

12 Gusht 2022, 22:17, Kosova & Bota CNA
Policia malazeze zbardh ngjarjen/ Si ndodhi masakra në Cetinjë,
Drejtori i Përgjithshëm i Policisë së Malit të Zi, Zoran Brdanin

Drejtori i Përgjithshëm i Policisë së Malit të Zi, Zoran Brdanin, ka dhënë detaje nga masakra në Cetinjë, ku mbetën viktimë 11 persona dhe u plagosën 6 të tjerë.

Br?anin bëri të ditur se mes viktimave janë edhe dy fëmijë, njëri tetë vjeç dhe tjetri 11 vjeç.

“Sipas rrethanave të njohura, sot rreth orës 15:30, një burrë 34 vjeçar nga Cetinja, V.B., ka shtënë me armë zjarri në drejtim të një familjeje, anëtarët e së cilës kanë qenë banues në banesat e shtëpisë së tij si qiramarrës në Medovina. Me atë rast, duke përdorur një armë zjarri – pushkë gjuetie, ai u ka marrë jetën dy fëmijëve, njëri prej tetë dhe tjetri njëmbëdhjetë vjeç dhe ka plagosur nënën e tyre, e cila iu nënshtrua mjekimit për plagët e marra në një institucion mjekësor. Më pas ka dalë dhe me të njëjtën armë zjarri ka shtënë në drejtim të banorëve të këtij vendbanimi, ku i ka marrë jetën e shtatë personave të tjerë dhe ka plagosur gjashtë të tjerë”, u shpreh ai.

Gjatë deklaratës për media, drejtori i policisë shtoi se nga shkëmbimi i zjarrit është plagosur rëndë një polic.

“Për momentin nuk është e qartë se çfarë e shtyu V.B.-në në një akt të tillë të urryer, ku ai vetë u privua nga jeta. Theksoj se rrethanat e gjithë ngjarjes, duke përfshirë edhe marrjen e jetës së V.B.-së, ende janë duke u përcaktuar dhe opinioni për të gjitha detajet do të njoftohet përmes mediave”, tha Brdanin.

Gjithashtu ai deklaroi se shpreson se kurrë më nuk do të jemi dëshmitarë të një tragjedie të tillë në Mal të Zi.

“Besoj se të gjithë e respektojmë dhimbjen e familjeve dhe falënderoj mediat për qëndrimin korrekt në raportimin e deritanishëm dhe apeloj që të vazhdojmë raportimin me kujdes maksimal. Jetët njerëzore janë më të vlefshmet dhe më të pazëvendësueshmet dhe sot humbëm 11 qytetarë, mes të cilëve dy fëmijë. Ngushëlloj familjet e viktimave dhe në emrin tim dhe në emër të Drejtorisë së Policisë u shpreh ngushëllimet e mia të thella dhe meqenëse në momentin e kësaj ngjarje nuk kam qenë në Podgoricë, sonte do të shkoj edhe në Cetinjë. Gjithashtu, shpresoj që të lënduarit të shërohen shpejt dhe me sukses”, theksoi drejtori i policisë./ B.A. – CNA.al





Lajmet e fundit nga