LEXO PA REKLAMA!

SHKARKO APP

App Store
Google Play

I dyshuari për terrorizëm, hedh veten në erë

12 Gusht 2022, 17:17, Kosova & Bota CNA
I dyshuari për terrorizëm, hedh veten në erë
Mjete shpërthyese të sekuestruara nga anëtarë të Shtetit Islamik në Arabinë Saudite

Një person i dyshuar për një sulm vdekjeprurës të vitit 2015 të kryer nga Shteti Islamik në një xhami saudite hodhi në erë veten ditën e premte ndërsa po arrestohej nga forcat e sigurisë në kryeqytetin Jeddah.

Katër të tjerë u plagosën kur shtetasi saudit Abdullah bin Zayed al-Bakri al-Shehri shpërtheu brezin e eksplozivëve, thanë autoritetet saudite.

Ai ishte një nga nëntë personat e kërkuar për shpërthimin që vrau 15 persona -- kryesisht policë -- pranë kufirit me Jemenin.

“Kur nisën procedurat për arrestimin e tij, ai hodhi veten në erë me një brez me eksplozivë, i cili rezultoi në vdekjen e tij dhe plagosjen e një banori dhe tre punonjësve të sigurisë”, thuhet në një deklaratë të presidencës së sigurimit shtetëror të transmetuar nga agjencia zyrtare e shtypit saudite.

Al-Shehri, 39 vjeç, ishte numri katër në një listë me nëntë të dyshuar në shpërthimin e vitit 2015, një nga sulmet më vdekjeprurëse të Arabisë Saudite në vitet e fundit. Numri pesë i kësaj liste u arrestua në maj 2016-të.

Xhamia e shënjestruar nga IS frekuentohej nga anëtarë të një njësie speciale të armëve dhe taktikave të policisë në qytetin jugor Abha.

Sulmi, i marrë përsipër nga grupi ekstremist i Shtetit Islamik, pasoi nisjen e një fushate ushtarake të udhëhequr nga Arabia Saudite në Jemen në vitin 2015-të, pasi rebelët Huthi të mbështetur nga Irani pushtuan kryeqytetin Sana./ REL

Lajmet e fundit nga