web counter
LEXO PA REKLAMA!

SHKARKO APP

App Store
Google Play

Një klerik taliban vritet në një shkollë fetare në Kabul

11 Gusht 2022, 22:03, Kosova & Bota CNA
Një klerik taliban vritet në një shkollë fetare në
Rahimullah Haqqani

Një klerik i njohur dhe mbështetës i talibanëve, është vrarë në një shpërthim në Kabul, ka thënë një zëdhënës i Qeverisë së udhëhequr nga talibanët.

Rahimullah Haqqani është vrarë “në një sulm të kryer nga armiku” në shkollën e tij fetare, ka thënë zëdhënësi i talibanëve.

Qeveria e talibanëve nuk ka dhënë hollësi tjera për sulmin.

Grupi ekstremist, Shteti Islamik (IS) e ka marrë përgjegjësinë për sulmin, sipas një postimi që ka bërë në kanalin Telegram.

Radio Azadi – shërbim i Radios "Evropa e Lirë" – ka thënë se një person me aftësi të kufizuara e ka sulmuar Haqqanin dhe të paktën gjashtë persona tjerë janë vrarë.

Haqqani, me origjinë nga provinca Nangarhar, ka qenë mbështetës i rëndësishëm për talibanët.

Ai është njohur për diskutimet e zjarrta fetare.

Talibanët kanë marrë pushtetin - për herën e dytë - në mesin e gushtit të vitit të kaluar, ndërsa ushtria amerikane i ka dhënë fund misionit të saj në Afganistan më 30 gusht të vitit 2021.

Forcat e udhëhequra nga Shtetet e Bashkuara kanë rrëzuar talibanët nga pushteti në tetor të vitit 2001.

Talibanët kanë qenë duke strehuar atëbotë Osama Bin Laden dhe figura tjera të Al-Kaidës, të lidhura me sulmet e 11 shtatorit të po atij viti në Shtetet e Bashkuara, nga të cilat kanë mbetur të vdekur rreth 3.000 njerëz.





Lajmet e fundit nga