E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Plagoset një tjetër zyrtar i emëruar nga Rusia në rajonin e Khersonit

12 Dhjetor 2022, 22:44, Kosova & Bota CNA

Plagoset një tjetër zyrtar i emëruar nga Rusia në rajonin e

Foto ilustruese

Vitaly Bulyuk, zëvendës guvernator i emëruar nga Rusia në rajonin e Khersonit, në Ukrainë u plagos të hënën pas shpërthimit të automjetit të tij. Lajmi u njoftua nga agjencia ruse Interfax.

5 javë ma parë, Kirill Stremousov, një tjetër zëvendës guvernator i emëruar nga Rusia në Kherson, u vra gjatë një aksidenti me makinë, teksa shoferi i tij u përpoq të shmangte përplasjen me një kamion.

Pak kohë pas ngjarjes, Moska urdhëroi trupat e saj të tërhqein nga pjesa perëndimore e Khersonit, që u pushtua nga Rusia që në fillim të sulmit në Ukrainë dhe u aneksua nga Rusia në muajin tetor.

Moska e cilëson luftën “një operacion special ushtarak”, për të dobësuar ushtrinë ukainase e cila sipas Rusisë, paraqet kërcënim serioz për sigurinë e Ukrainës. Ukraina dhe aleatët e saj e kanë cilësuar luftën që ka nisur prej muajt shkurt një akt agresioni të paprovokuar.

Të hënën, ministri i caktuar nga Rusia, Vadim Ilmiyev tha se zoti Bulyuk ishte në gjendje të qendrueshme.

“Shoferi i automjetit vdiq në vend”, tha ai, sikurse citon agjencia Interfax. Sipas zotit Ilmiyev, automjeti u dogj si pasojë e shpërthimit të një mine të komanduar.

Mbetet e parqartë nëse automjetit i ishte vendosur ndonjë sasi eksplozivi. Një sërë zyrtarësh të emëruar nga Rusia në administratën e këtij rajoni janë vrarë ose plagosur gjatë muajve të fundit.

Qeveria e Kievit ka refuzuar të thotë nëse pas sulmit qëndrojnë mbështetës të Ukrainës.

Anton Gerashchenko, një këshilltar i ministrisë së brendshme të Ukrainës, tha në një postim në aplikacionin Telegram se makina e zotit Bulyuk kishte shpërthyer pranë shtëpisë së tij në qytetin e Skadovskit dhe nuk e fshehu se nuk i vinte keq për sulmin ndaj një "tradhtari" dhe "bashkëpunëtori".

Tërheqja e Rusisë nga Khersoni perëndimor shënon zmbrapsjen më të madhe që Moska ka pësuar në 4 rajonet që Moska, me ceremoni të madhe, deklaroi në tetor se do ishin “përjetë pjesë e Rusisë”, pavarësisht se nuk ka nën kontroll të plotë asnjë prej tyre.

Qeveria e presidentit ukrainas Volodymyr Zelenskiy është zotuar se do të dëbojë forcat ruse nga të gjitha territoret e pushtuara./ REL