web counter
LEXO PA REKLAMA!

SHKARKO APP

App Store
Google Play

E fundit!

x

Nga janari shtetasit e Kosovës pa viza në zonën Shengen/ Konfirmon ambasada gjermane

2 Tetor 2023, 16:10, Kosova & Bota CNA
Nga janari shtetasit e Kosovës pa viza në zonën Shengen/
Foto ilustruese

Qytetarët e Kosovës do të kenë të drejtë të udhëtojnë pa viza për qëndrime afatshkurtra në vendet e zonës Shengen duke filluar nga 1 janari 2024, ka bërë të ditur ambasada Gjermane në Kosovë, raporton "Shengen.news.info". 

Bashkimi Evropian miratoi udhëtimin pa viza për qytetarët e Kosovës në prill të këtij viti, duke theksuar se ata do të kenë të drejtë të udhëtojnë pa kushte shtesë si viza, duke filluar nga viti i ardhshëm.

Megjithatë, shqetësimet u ngritën pasi presidenti i Francës, Emmanuel Macron, tha se vendi i tij mund të rishikojë angazhimet që ka marrë për çështjet politike dhe ekonomike të vizave për Kosovën dhe Serbinë.

Komentet e Parisit nuk ishin aq të mirëpritura. Po ashtu, ata janë kritikuar edhe nga raportuesja për Kosovën në Parlamentin Evropian, Viola von Cramon. Sipas saj, udhëtimi pa viza për kosovarët nuk është dhe nuk duhet të lidhet me dialogun me Serbinë.

Von Cramon tha se Bashkimi Evropian duhet ta mbajë premtimin për të lejuar qytetarët e Kosovës të udhëtojnë pa viza nga viti i ardhshëm.

Duke konsideruar se një vendim i tillë do të kishte ndikim negativ, presidentja e Kosovës, Vjosa Osmani, ka theksuar se çdo pezullim i udhëtimit pa viza në BE për Kosovën do ta “vrasë" njëherë e përgjithmonë dialogun me Serbinë.

Edhe Kosova edhe Serbia aspirojnë anëtarësimin në Bashkimin Evropian. Megjithatë, Brukseli theksoi se fillimisht duhet ta zgjidhin mosmarrëveshjen përmes një dialogu të ndërmjetësuar./CNA

 

 





Lajmet e fundit nga