web counter
LEXO PA REKLAMA!

SHKARKO APP

App Store
Google Play

E fundit!

x

Ndahet nga jeta ish-kryeparlamentari i Kosovës, Nexhat Daci

1 Janar 2026, 11:57, Kosova & Bota CNA

Ndahet nga jeta ish-kryeparlamentari i Kosovës, Nexhat Daci

U nda nga jeta në moshën 82-vjeçare Nexhat Daci, politikan dhe ish-kryetar i Kuvendit të Kosovës.

Kryetar i Kuvendit të Kosovës në legjislaturën e nëntë, Dimal Basha ndau sot lajmin e hidhur përmes një postimi në rrjetet sociale.

“Me vizion, maturi dhe përkushtim, z. Daci kontribuoi në ndërtimin e institucioneve demokratike, në forcimin e Kuvendit si zë i qytetarëve dhe në avancimin e proceseve politike në prag të shtetësisë së Kosovës”,-shprehet Basha.

Jeta dhe karriera politike e Nexhat Dacit

U lind në Tënoc më 1944, ku përfundoi shkollimin fillor. Atë të mesëm e kreu në Leskoc, ndërkaq studimet universitare i përfundoi në Fakultetin e Shkencave Matematike-Natyrore (Dega e ki­misë) në Beograd më 1966. U doktorua më 1973 në Universitetin e Zagrebit, ndërkaq studimet e posdoktoratës i vazhdoi në Angli, në Universitetin e Bradfordit më 1974.

Pas përfundimit të magjistraturës, më 1968 ai nisi punën si asistent në Fakultetin Filozofisë në Katedrën e Kimisë. Më 1971 vazhdoi punën si ligjërues e më pas edhe si profesor në Universitetin e Prishtinës.

Gjatë punës akademike ai ka marrë pjesë në disa studime shkencore, kongrese e konferenca në mbarë botën. Ka qenë anëtar i Shoqatës Kimike amerikane që nga viti 1985 dhe i disa institucioneve të tjera ndërkombëtare. Ndërkaq, pjesë e Akademisë së Shkencave të Kosovës u bë më 1993./CNA

 

 

 

 





Lajmet e fundit nga