E fundit!

15:10 Aktualitet

Erion Isai rrëfen transformimin e Kolonjës/ Nga investimet urbane te vizioni për turizmin dhe traditën

Një udhëtim në një prej zonave me historinë, traditën dhe ...

Osmani: 2025 ishte vit sfidues, synimi për 2026 një Kosovë e sigurt, ku ligji zbatohet për të gjithë

31 Dhjetor 2025, 21:46, Kosova & Bota CNA

Osmani: 2025 ishte vit sfidues, synimi për 2026 një Kosovë e
Presidentja Vjosa Osmani ka uruar Vitin e Ri 2026. Osmani deklaron se 2025 nuk ishte vit i lehtë, pasi pati vonesa në themeliminin e institucioneve.

"Sot, Kosova përmbylli një vit jo të lehtë, por një vit në të cilin zëri i saj u dëgjua fuqishëm dhe qëndrimi ynë në arenën ndërkombëtare ishte parimor dhe i palëkundur. Ishte një vit sfidues, sidomos me vonesat në themelimin e institucioneve, por ishte poashtu vit që na ka forcuar dhe na ka përgatitur të ecim përpara me më shumë besim dhe me më shumë përgjegjësi", thuhet në urimin e Osmanit.

Presidentja Osmani shprehet se Kosova në 2025 qëndroi e fortë përballë provokimeve dhe përpjekjeve destabilizuese dhe krijoi një shoqëri më të drejtë.

"Në këtë natë ndërrimi vitesh, teksa mbyllim një vit të mbushur me punë, vendime të rëndësishme, por edhe me sfida, ndalemi për të reflektuar mbi rrugën që kemi përshkuar së bashku dhe mbi forcën që kemi treguar si shtet dhe si shoqëri.

Viti që po e lëmë pas ka dëshmuar se Kosova ecën përpara kur vepron me vendosmëri, me vlera dhe me unitet. Ka qenë një vit në të cilin kemi forcuar edhe më shumë pozitën ndërkombëtare të vendit tonë, kemi mbrojtur rendin kushtetues e interesin shtetëror, si dhe një vit në të cilin kemi vazhduar punën për t’i forcuar aleancat tona me partnerët tanë strategjikë. Kosova ka treguar se është e pranishme, e dëgjuar dhe e respektuar në tryezat ndërkombëtare, si faktor paqeje, stabiliteti dhe besueshmërie.

Kosova qëndroi e palëkundur ndaj çdo përpjekjeje destabilizuese, ndërsa brenda vendit vazhdon të ndërtojë një shoqëri më të drejtë, ku të drejtat e njeriut, barazia dhe dinjiteti janë themeli ynë i përbashkët.

Ishte gjithashtu vit ku u dëshmua forca e demokracisë dhe e qytetarëve tanë: e punëtorëve, policëve e ushtarakëve, mësuesve, mjekëve, të rinjve plot ide inovative, grave e vajzave tona të jashtëzakonshme, si dhe e mërgatës sonë, e cila vazhdon të jetë një shtyllë e pazëvendësueshme e zhvillimit dhe përfaqësimit të Kosovës në botë.

Për Osmanin sfidë në vitin 2026 mbeten rritja e mirëqenies për shtetasit e Kosovës, për të rinjtë, e sigurisë dhe forcimi i shtetit të së drejës.

Viti 2026 që po , vjen na gjen me përgjegjësi të reja dhe me synime të qarta. Synimi ynë mbetet një Kosovë akoma më e sigurt, akoma më e drejtë, akoma më e integruar dhe akoma më e zhvilluar. Një Kosovë ku ligji zbatohet njësoj për të gjithë, ku institucionet janë gjithnjë në shërbim të qytetarëve dhe ku çdo i ri dhe e re ka perspektivë për të ndërtuar të ardhmen me dinjitet në vendin e vet.
Në Vitin e Ri, angazhimi ynë do të vazhdojë pa lëkundje për forcimin e vazhdueshëm të shtetit të së drejtës, avancimin e pozitës ndërkombëtare të vendit tonë, rritjen e sigurisë, mbështetjen e familjeve, mbështetjen e rinisë, si dhe ndërtimin e një të ardhmeje me më shumë zhvillim ekonomik dhe mirëqenie.
Në këtë natë të veçantë, ju uroj shëndet, paqe dhe begati. Le të jetë viti 2026 një vit bashkëpunimi, përgjegjësie dhe suksesi për secilin prej jush dhe për Republikën tonë.

Le ta nisim vitin e ri me besim në vete, në njëri-tjetrin dhe në Kosovën tonë.

Gëzuar Vitin e Ri 2026 me shëndet e plot momente gëzimi e feste, për ju dhe për Republikën e Kosovës"!.CNA