web counter
LEXO PA REKLAMA!

SHKARKO APP

App Store
Google Play

E fundit!

x

Presidenti kolumbian: SHBA-ja ka bombarduar një fabrikë kokaine në Venezuelë

31 Dhjetor 2025, 08:12, Kosova & Bota CNA

Presidenti kolumbian: SHBA-ja ka bombarduar një fabrikë kokaine

Presidenti i Kolumbisë, Gustavo Petro, është shprehur se SHBA-ja ka bombarduar një fabrikë prodhimi kokaine në qytetin portual të Maracaibo, në Venezuelën perëndimore.

"Ne e dimë që Trump bombardoi një fabrikë prodhimi kokaine në Maracaibo", tha Petro nëpërmjet "X".

Presidenti i SHBA-së, Donald Trump, ka folur ditët e fundit për sulmin e parë tokësor amerikan në Venezuelë, por pa specifikuar se ku ndodhi saktësisht.

Në një tekst të gjatë, presidenti socialdemokrat, Petro, vlerësoi se ishte një strukturë e Ushtrisë Çlirimtare Kombëtare (ELN), një organizatë guerile kolumbiane që kontrollon pjesërisht departamentin e prodhimit të kokainës në Catatubo, i cili kufizohet me Venezuelën dhe ndodhet pranë Maracaibo-s.

Trump u tha gazetarëve se sulmi amerikan ndodhi në një plazh, në një zonë ku kishte një skelë ku lundronin anije të ngarkuara me drogë.

Qeveria e Venezuelës nuk ka bërë asnjë koment zyrtar. Shtetet e Bashkuara kanë ushtruar presion të madh mbi Karakasin për muaj të tërë, duke akuzuar Presidentin e Venezuelës, Nicolas Maduro, se është kreu i një rrjeti të madh trafikimi droge. Maduro e mohon akuzën.

Që nga fillimi i shtatorit, forcat e armatosura të SHBA-së kanë nisur rreth tridhjetë sulme ajrore kundër anijeve që Uashingtoni thotë se transportonin drogë, duke vrarë të paktën 107 persona në Karaibe dhe Paqësor. /CNA





Lajmet e fundit nga