web counter
LEXO PA REKLAMA!

SHKARKO APP

App Store
Google Play

E fundit!

x

"Rusia po përpiqet të prishë bisedimet e paqes"/ Ukraina mohon sulmin me dron ndaj rezidencës së Putin-it

30 Dhjetor 2025, 10:17, Kosova & Bota CNA

"Rusia po përpiqet të prishë bisedimet e paqes"/

Presidenti Volodymyr Zelensky ka mohuar akuzat e Rusisë se Ukraina ka kryer një sulm me dron ndaj njërës prej rezidencave të presidentit rus Vladimir Putin dhe ka akuzuar Moskën se po përpiqet të prishë bisedimet e paqes.

Ministri i Jashtëm i Rusisë, Sergei Lavrov, pretendoi se Kievi kishte nisur një sulm gjatë natës duke përdorur 91 mjete ajrore pa pilot me rreze të gjatë veprimi (UAV) në rezidencën shtetërore të Putin-it në rajonin veriperëndimor të Novgorodit të Rusisë.

Rusia tha se pas këtij sulmi do të rishikojë qëndrimin e saj në negociatat e paqes. Ende nuk është e qartë se ku ndodhej Putin-i në kohën e sulmit të pretenduar.

Zelensky e hodhi poshtë pretendimin duke e cilësuar si “gënjeshtra tipike ruse”, që synonin t'i jepnin Kremlinit një justifikim për të vazhduar sulmet ndaj Ukrainës. Ai tha se Rusia më parë kishte shënjestruar ndërtesat qeveritare në Kiev.

"Është thelbësore që bota të mos heshtë tani. Nuk mund ta lejojmë Rusinë të minojë punën për arritjen e një paqeje të qëndrueshme”, shprehej Zelensky në “X”.

Pretendimi nga Moska vjen pas bisedimeve midis SHBA-së dhe Ukrainës në Florida të dielën, ku presidentët Trump dhe Zelensky diskutuan një plan të rishikuar paqeje për t'i dhënë fund luftës. Pas takimit, Zelensky i tha "Fox News" të hënën se ekzistonte një mundësi për ta përfunduar këtë luftë në vitin 2026. Por ai tha se Ukraina nuk mund ta fitonte luftën pa mbështetjen e SHBA-së.

Udhëheqësi i Ukrainës i përshkroi çështjet territoriale dhe centralin bërthamor të Zaporizhzhia-s të pushtuar nga Rusia si çështjet e fundit të pazgjidhura, dhe kishte pak shenja përparimi në të ardhmen e rajonit të kontestuar Donbas të Ukrainës - të cilin Rusia dëshiron ta pushtojë plotësisht.

Moska aktualisht kontrollon rreth 75% të rajonit të Donetskut dhe rreth 99% të Luhanskut fqinj. Të dyja rajonet njihen së bashku si Donbas. Rusia më parë ka hedhur poshtë pjesë kyçe të planit që është në diskutim.

Shtëpia e Bardhë tha të hënën se Presidenti Trump kishte përfunduar një telefonatë pozitive me Putin-in, pas bisedimeve SHBA-Ukrainë. /CNA





Lajmet e fundit nga