web counter
LEXO PA REKLAMA!

SHKARKO APP

App Store
Google Play

E fundit!

x

"BE pret me padurim formimin e Kuvendit dhe qeverisë së re"/ Kaja Kallas reagon për zgjedhjet në Kosovë

29 Dhjetor 2025, 16:08, Kosova & Bota CNA

"BE pret me padurim formimin e Kuvendit dhe qeverisë së re"/

Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas ka reaguar lidhur me rezultatet e zgjedhjeve në Kosovë

Kallas shprehet se BE pret me padurim formimin e shpejtë të Kuvendit dhe qeverisë së re. Kjo e fundit sipas komisioneres europiane duhet të dyfishojë përpjekjet e saj për reformat shumë të nevojshme që lidhen me BE-në.

Në deklaratë theksohet se procesi zgjedhor në Kosovë tregoi një angazhim të fortë ndaj parimeve demokratike. Ajo shprehet se normalizimi i marrëdhënieve midis Kosovës dhe Serbisë, vazhdon të jetë e vetmja mënyrë që të dyja palët të arrijnë përparim në rrugët e tyre evropiane.

Deklarata e plotë:

Të dielën, më 28 dhjetor, populli i Kosovës ushtroi të drejtën e tij demokratike duke hedhur votën e tij në zgjedhjet e parakohshme parlamentare.

Pas ngërçit politik pas zgjedhjeve të shkurtit 2025, ne presim me padurim formimin e shpejtë të Kuvendit dhe Qeverisë së re dhe vazhdimin e angazhimit tonë me autoritetet. Qeveria e re duhet të dyfishojë përpjekjet e saj për reformat shumë të nevojshme që lidhen me BE-në. BE-ja e vëren me vëmendje pjesëmarrjen aktive të të gjitha komuniteteve dhe partive të tyre politike në zgjedhje. Procesi zgjedhor tregoi një angazhim të fortë ndaj parimeve demokratike.

Bashkimi Evropian ka dërguar një Mision Zgjedhor të Ekspertëve (MEE) i cili do të mbetet në Kosovë për të ndjekur procedurat paszgjedhore.  
 
Ne i bëjmë thirrje Parlamentit, sapo të formohet, të ratifikojë marrëveshjet që lidhen me Planin e Rritjes. Plani i Rritjes për Ballkanin Perëndimor është një instrument me afat të kufizuar kohor i miratuar për periudhën 2024-2027 dhe është në interesin e Kosovës që ratifikimi të bëhet sa më shpejt të jetë e mundur për të shfrytëzuar plotësisht të gjitha mundësitë sipas Planit të Rritjes, në dobi të popullsisë së saj.

Normalizimi i marrëdhënieve midis Kosovës dhe Serbisë, i lehtësuar nga BE-ja, vazhdon të jetë e vetmja mënyrë që të dyja palët të arrijnë përparim në rrugët e tyre evropiane. Ne presim që të gjitha detyrimet që rrjedhin nga Marrëveshja për Rrugën drejt Normalizimit, si dhe të gjitha marrëveshjet e kaluara të Dialogut, të zbatohen pa vonesa ose parakushte të mëtejshme. BE-ja është e gatshme të organizojë një takim të Nivelit të Lartë sapo të krijohen kushtet.

Kujtojmë se BE-ja po ecën përpara për të hequr masat ndaj Kosovës. 216 milionë euro ndihmë financiare janë dhënë tashmë pas transferimit të rregullt të qeverisjes lokale pas zgjedhjeve të fundit lokale. Ne gjithashtu synojmë të japim 205 milionë euro shtesë në fillim të vitit të ardhshëm. /CNA

 





Lajmet e fundit nga