web counter
LEXO PA REKLAMA!

SHKARKO APP

App Store
Google Play

Zgjedhjet/ Kreu i PDK-së: Nuk ishte rezultati që prisnim, partia do të futet në proces të brendshëm zgjedhor

29 Dhjetor 2025, 12:13, Kosova & Bota CNA

Zgjedhjet/ Kreu i PDK-së: Nuk ishte rezultati që prisnim, partia do

Kryetari i Partisë Demokratike të Kosovës, Bedri Hamza, ka dalë në një konferencë për mediat ku ka folur për rezultatin e zgjedhjeve të parakohshme parlamentare. Hamza tha se PDK kishte pritur rezultate më të mira nga këto zgjedhje. 

I pyetur gjatë konferencës nga gazetarët nëse do të japë dorëheqjen, ai tha se vendimet që do të merren në të ardhmen do të jenë të analizuara mirë.  

“PDK ka pritur një rezultat më të mirë, por ka arritur të ruajë votën dhe elektoratin e vet. Pozita ka përgjegjësi, dhe unë nuk jam nga ata që ikin apo shmangen prej tyre. Këto ditë do të kemi takime me struktura, vendimet i marr në kohë, të analizuara, të peshuara mirë dhe sigurisht nuk vonohem në vendimmarrje”, theksoi kreu i PDK-së.

Hamza shtoi më tej se partia e tij do të futet në proces të brendshëm zgjedhor.

“PDK shpejt do të futet në proces të brendshëm zgjedhor, nuk ka pasur qe një kohë të gjatë zgjedhje, prej vitit 2019 dhe do të fillojë prej nëndegëve duke i përfshirë të gjitha nivelet deri në zgjedhjen e të gjitha organeve të partisë sepse realisht është kohë e gjatë dhe ka nevojë të kemi një reformë, një ndryshim edhe të moshës, gjinisë, profesioneve”, u shpreh ai. /CNA





Lajmet e fundit nga