web counter
LEXO PA REKLAMA!

SHKARKO APP

App Store
Google Play

Fitorja në zgjedhjet parlamentare/ Ali Ahmeti uron Albin Kurtin

29 Dhjetor 2025, 11:21, Kosova & Bota CNA

Fitorja në zgjedhjet parlamentare/ Ali Ahmeti uron Albin Kurtin

Kryetari i BDI-së, Ali Ahmeti, ka uruar kryeministrin Albin Kurti për fitoren në zgjedhje. Në postimin e tij në rrjetet sociale, Ahmeti ka përgëzuar qytetarët e Kosovës për procesin zgjedhor në të cilin sipas tij dëshmuan maturi dhe pjekuri të lartë demokratike.

Ai shton më tej se dëshiron që Kosova të ecë përpara duke forcuar aleancën strategjike me Shtetet e Bashkuara të Amerikës dhe me Bashkimin Europian.

Postimi i plotë:

I përgëzoj qytetarët e Republikës së Kosovës për procesin zgjedhor në të cilin dëshmuan maturi dhe pjekuri të lartë demokratike. U zhvillua një proces i lirë, i ndershëm dhe plotësisht demokratik, në përputhje me standardet evropiane, duke konfirmuar forcën e institucioneve dhe vullnetin e lirë të qytetarëve të Kosovës.

Urime Lëvizjes Vetëvendosje dhe Kryeministrit Albin Kurti për fitoren e shënuar! Kosova ka nevojë për stabilitet, zhvillim dhe vizion të qartë shtetëror, në shërbim të qytetarëve të saj.

Si dikush që ka dhënë kontribut për lirinë e Kosovës dhe që beson thellë në të ardhmen e saj, dëshiroj që Kosova të ecë përpara me hapa të sigurt, duke forcuar aleancën e saj strategjike me Shtetet e Bashkuara të Amerikës dhe me Bashkimin Evropian. Kjo është rruga që garanton paqe, zhvillim dhe një të ardhme të sigurt për brezat që vijnë.

Kosova e lirë, e fortë dhe e zhvilluar, ka qenë dhe mbetet ëndrra jonë e përbashkët! /CNA

 





Lajmet e fundit nga