web counter
LEXO PA REKLAMA!

SHKARKO APP

App Store
Google Play

"Nëse duan paqe, duhet të na dorëzojnë Donbasin"/ Kushti i Rusisë për Ukrainën

29 Dhjetor 2025, 13:34, Kosova & Bota CNA

"Nëse duan paqe, duhet të na dorëzojnë Donbasin"/

Kremlini është shprehur se nëse Ukraina do paqe, duhet të tërheqë trupat e saj nga pjesa e Donbasit që ende e kontrollon.

Në deklaratat e tij për mediat lokale, zëdhënësi i Kremlinit, Dmitry Peskov, tha gjithashtu se një telefonatë midis Presidentit rus Vladimir Putin dhe Presidentit të SHBA-së Donald Trump pritet të zhvillohet shumë shpejt.

Rusia aktualisht kontrollon rreth një të pestën e Ukrainës, përfshirë Krimenë, të cilën e aneksoi në vitin 2014, rreth 90% të Donbasit, 75% të rajoneve Zaporizhzhia dhe Kherson, si dhe pjesë të rajoneve Kharkiv, Sumy, Mykolaiv dhe Dnipropetrovsk, sipas vlerësimeve ruse.

Gjatë takimit të djeshëm në Shtëpinë e Bardhë për bisedimet për paqe, presidenti ukrainas Volodymyr Zelensky, i ka kërkuar Trump-it garanci sigurie për një periudhë deri në 50 vjet. Sipas asaj që ishte publikuar ditët e mëparshme, plani i paqes i Uashingtonit parashikonte garanci për 15 vjet, por presidenti ukrainas beson se kjo nuk është e mjaftueshme.

"I thashë Trump-it se do të donim shumë të shqyrtonim mundësinë (e garancive të sigurisë) për 30, 40, 50 vjet. Dhe ky do të ishte një vendim historik nga Presidenti Trump. Presidenti tha se do ta shqyrtonte atë", vuri në dukje Zelensky.

"Lufta do të përfundojë dhe ligji ushtarak në vend do të hiqet kur të marrim garanci të mjaftueshme", shtoi ai.

Zelensky tha se Trump, para takimit të tyre dje, kishte diskutuar me Vladimir Putin-in 20 pikat e planit për t'i dhënë fund luftës.

"Presidenti Trump më tha se pati një bisedë të gjatë me Putin-in, se i shqyrtoi të 20 pikat e planit, një nga një. Është e rëndësishme që të jemi të gjithë në të njëjtën kornizë dhe se ata diskutuan këtë dokument dhe jo disa dokumente të tjera. Ai tha se Putin-i është gati. Nuk dua të hyj në detaje tani", u shpreh ai. /CNA





Lajmet e fundit nga