web counter
LEXO PA REKLAMA!

SHKARKO APP

App Store
Google Play

E fundit!

x

Ministri shokon me deklaratën: Kam thithur kokainë nga kapaku i tualetit

13 Shkurt 2026, 10:56, Kosova & Bota CNA

Ministri shokon me deklaratën: Kam thithur kokainë nga kapaku i

Sekretari i Shëndetësisë dhe Shërbimeve Njerëzore i SHBA-së, Robert F. Kennedy Jr, ka folur për betejën e tij me drogën.

Gjatë fjalës së tij në podkastin “This Past Weekend” të komedianit Theo Vaughn, Kennedy është shprehur se nuk ka frikë nga mikrobet sepse më parë ka thithur kokainë nga kapaku i tualetit.

“Nuk kam frikë nga mikrobet. Më parë thithja kokainë nga kapaku i tualetit. Nëse nuk dal në takime çdo ditë, është keq për jetën time”, tha Kennedy, sipas "US Today".

Kennedy tha se pikëpamjet e tij politike ishin ndikuar nga një varësi 14-vjeçare nga heroina që ai e kapërceu.

“E di që e vetmja mënyrë për të qëndruar esëll është të marr përgjegjësi për veprimet e mia të përditshme. Unë pranoj gjërat që nuk mund t’i kontrolloj dhe përpiqem të jem mirënjohës për to. Mund të kem kontroll mbi sjelljen time, veprimet e mia të përditshme, por jo mbi botën përreth meje”, tha Kennedy.

Kennedy rrëfeu se për herë të parë ka konsumuar drogë pas vrasjes së babait të tij.

Fillmisht ai tregoi se kishte provuar LSD dhe më pas substanca opioide.

Kennedy rrëfeu se e nisi trajtimin nga droga pas arrestimit./ CNA





Lajmet e fundit nga