web counter
LEXO PA REKLAMA!

SHKARKO APP

App Store
Google Play

“Më kërkuan ta refuzoja”/ Rrëfimi i rrallë i fituesit të çmimit Nobel për Paqen

10 Dhjetor 2022, 16:29, Kosova & Bota CNA
“Më kërkuan ta refuzoja”/ Rrëfimi i rrallë i
Yan Rachinsky

Autoritetet e Kremlinit i kanë kërkuar fituesit të Çmimit Nobel për Paqen që ta refuzojë çmimin.

Yan Rachinsky, i cili drejton Memorialin, një organizatë ukrainase për të drejtat e njeriut dhe mbrojtësi i të drejtave bjelloruse i burgosur, tha se atij dhe dy pjesëtarëve të tjerë të organizatës iu kërkua që të mos e pranonin çmimin, pasi u konsiderua si "i papërshtatshëm".

Memorial është një nga grupet më të vjetra të të drejtave civile në Rusi dhe u mbyll nga qeveria vitin e kaluar.

Ministria e Jashtme ruse është kontaktuar për të dhënë komentin e saj lidhur me këtë ngjarje.

Në një intervistë ekskluzive në programin HARDtalk të "BBC"-së, Rachinsky tha se organizata e tij ishte këshilluar të refuzonin çmimin, kërkesë që sipas tij nuk u mor parasysh.

"BBC" raporton se pavarësisht kërcënimeve për sigurinë e tij, Rachinsky tha se puna e Memorialit mbeti thelbësore.

"Në Rusinë e sotme, siguria personale e askujt nuk mund të garantohet," tha ai. "Po, shumë janë vrarë. Por ne e dimë se çfarë çon mosndëshkimi i shtetit... Ne duhet të dalim nga kjo gropë disi."

Memorial kishte dokumentuar represionin historik sovjetik.

Kryetari i saj i parë, Arseny Roginsky, u dërgua në kampet sovjetike të punës për të ashtuquajturin studim "antikomunist" të historisë.

Duke shpallur fituesit e çmimit, Komiteti i çmimeve Nobel tha se organizata Memorial u themelua mbi idenë se "përballja me krimet e së kaluarës është thelbësore në parandalimin e krimeve të reja".

Komiteti u shpreh "se shoqëria civile nuk ndahet nga kufijtë kombëtarë, se është një organ i vetëm që punon për të zgjidhur problemet e përbashkëta"./ CNA.al





Lajmet e fundit nga