web counter
LEXO PA REKLAMA!

SHKARKO APP

App Store
Google Play

E fundit!

x

Liderët e G7-ës dënojnë sulmin

14 Prill 2024, 10:06, Kosova & Bota CNA
Liderët e G7-ës dënojnë sulmin
Rishi Sunak

Kryeministri i Mbretërisë së Bashkuar, Rishi Sunak, ka dënuar sulmin ndaj Izraelit. Ai tha se sulmet rrezikojnë të ndezin tensionet dhe të destabilizojnë rajonin, duke shtuar se Irani ka demonstruar se synon të mbjellë kaos në oborrin e tij.

“Mbretëria e Bashkuar do të vazhdojë të mbrojë sigurinë e Izraelit dhe atë të të gjithë partnerëve tanë rajonalë, përfshirë Jordaninë dhe Irakun. Krahas aleatëve tanë, ne po punojmë urgjentisht për të stabilizuar situatën dhe për të parandaluar përshkallëzimin e mëtejshëm. Askush nuk dëshiron të shohë më shumë gjakderdhje”, ka thënë Sunak.

Kryeministri kanadez, Justin Trudeau, ka thënë se vendi i tij "dënon pa mëdyshje sulmet ajrore të Iranit", duke shtuar: "Ne qëndrojmë me Izraelin".

“Pas mbështetjes së sulmit brutal të Hamasit të 7 tetorit, veprimet e fundit të regjimit iranian do të destabilizojnë më tej rajonin dhe do ta bëjnë paqen më të vështirë”, tha ai.

Ministri i Jashtëm francez, Stephane Sejourne, ka thënë se Franca "dënon në termat më të ashpër sulmin e nisur nga Irani kundër Izraelit".

“Duke vendosur për një veprim të tillë të paprecedentë, Irani po ndërmerr një hap të ri në veprimet e tij destabilizuese dhe po merr rrezikun e një përshkallëzimi ushtarak."

Ambasadori gjerman në Izrael, Steffen Seibert, tha:

“Solidariteti i Gjermanisë është me të gjithë izraelitët sonte, të cilët Irani po i terrorizon me këtë sulm të paprecedentë dhe të pamëshirshëm: hebrenjtë, si dhe arabët e të krishterët, beduinët në Negev si dhe druzët në Golan. Qofshin të gjithë të sigurt.", ka shkruar ai./ CNA





Lajmet e fundit nga