web counter
LEXO PA REKLAMA!

SHKARKO APP

App Store
Google Play

E fundit!

x

Kryeqyteti i Indonezisë shpallet qyteti më i ndotur në botë

9 Gusht 2023, 18:50, Kosova & Bota CNA

Kryeqyteti i Indonezisë shpallet qyteti më i ndotur në botë

Kryeqyteti i Indonezisë Xhakarta kryeson listën si qyteti më i ndotur në botë, duke u renditur në mesin e 10 qyteteve më të ndotura globalisht që nga maji, sipas të dhënave nga kompania zvicerane e teknologjisë së cilësisë së ajrit IQAir.

Xhakarta, e cila ka një popullsi prej mbi 10 milionë banorësh, regjistron nivele të larta të ndotjes së ajrit pothuajse çdo ditë, sipas IQAir.

Banorët e Xhakartës janë ankuar prej kohësh për ajrin toksik nga trafiku kronik, tymi industrial dhe termocentralet me qymyr. Disa prej tyre bënë  një padi civile në 2021 duke kërkuar që qeveria të marrë masa për të kontrolluar ndotjen e ajrit.

Gjykata në atë kohë vendosi që presidenti Joko Ëidodo duhet të vendosë standarde të cilësisë së ajrit për të mbrojtur shëndetin e njerëzve dhe duhet të hartojë strategji për të kontrolluar cilësinë e ajrit.

I pyetur për problemin e ndotjes së Xhakartës të martën, Presidenti Ëidodo u tha gazetarëve se zgjidhja do të ishte zhvendosja e kryeqytetit të vendit nga Xhakarta në Nusantara.

Indonezia do të emërojë Nusantara si kryeqytetin e ri vitin e ardhshëm dhe të paktën 16,000 nëpunës civilë, ushtarakë dhe policë do të zhvendosen atje./CNA





Lajmet e fundit nga