LEXO PA REKLAMA!

SHKARKO APP

Kosova dhe Serbia arrijnë marrëveshje për targat

23 Nëntor 2022, 22:41, Kosova & Bota CNA

Kosova dhe Serbia arrijnë marrëveshje për targat

Kosova dhe Serbia kanë arritur marrëveshje për targat me ndërmjetësim të Bashkimit Evropian.

Lajmin e ka bërë të ditur kryediplomati evropian, Josep Borell.

Me anë të një statusi në “Twitter”, Borrell thotë se Serbia nuk do të lëshojë më targa të makinave me emra të qyteteve të Kosovës, ndërsa Kosova do t’iu japë fund veprimeve të mëtejme të lidhura me riregjistrim e makinave.

“Me kënaqësi ju njoftoj se kryenegociatorët e Kosovës dhe Serbisë nën lehtësimin e BE-së kanë arritur marrëveshje për masat që ndihmojnë në shmangie të tensioneve dhe për koncentrim të plotë në propozimin për normalizim të marrëdhënieve mes dy vendeve.

Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve.

Unë do t'i ftoj palët në ditët në vijim për të diskutuar hapat e ardhshëm", thekson ai.

Ndërkohë, negociatat janë zhvilluar në Bruksel mes të dërguarit të BE-së për dialogun, Mirosllav Lajçak dhe kryenegociatorëve të Kosovës dhe Serbisë, Besnik Bislimi dhe Petar Petkoviç./ B.A. - CNA.al

Lajmet e fundit nga