web counter
LEXO PA REKLAMA!

SHKARKO APP

App Store
Google Play

E fundit!

x

Parlamenti Evropian e shpall Rusinë shtet sponsor të terrorizmit

23 Nëntor 2022, 17:07, Kosova & Bota CNA
Parlamenti Evropian e shpall Rusinë shtet sponsor të terrorizmit
Foto ilustruese

Pas sulmeve të Rusisë së Vladimir Putinit kundër Ukrainës, eurodeputetët e kanë njohur Rusinë si një shtet sponsor të terrorizmit.

Parlamenti Evropian miratoi sot një rezolutë mbi zhvillimet e fundit në luftën e Rusisë ndaj Ukrainës. Eurodeputetët theksuan se sulmet dhe mizoritë e qëllimshme të kryera nga forcat ruse dhe përfaqësuesit e tyre kundër civilëve në Ukrainë, shkatërrimi i infrastrukturës dhe shkelje të tjera serioze të ligjit ndërkombëtar dhe humanitar përbëjnë akte terrori dhe krime lufte.

Në këtë kontekst, ata e njohin Rusinë si një shtet sponsorizues të terrorizmit dhe si një shtet që “përdor mjetet e terrorizmit”.

Rezoluta u miratua me 494 vota pro, 58 kundër dhe 44 abstenime.

Duke qenë se BE-ja aktualisht nuk mund të caktojë zyrtarisht shtetet si sponsorizuese të terrorizmit, Parlamenti Evropian i bëri thirrje BE-së dhe shteteve të saj anëtare që të vendosin kuadrin e duhur ligjor dhe të konsiderojnë shtimin e Rusisë në një listë të tillë.

Nëse kjo thirrje merret parasysh, atëherë ndaj Moskës do të vendoseshin një sërë masash të rëndësishme kufizuese.

Parlamenti kërkoi gjithashtu që Rusia të izolohet ndërkombëtarisht, duke përfshirë edhe anëtarësimin në organizata dhe organe ndërkombëtare si Këshilli i Sigurimit i Kombeve të Bashkuara dhe reduktimin e lidhjeve diplomatike.

Për këtë vendim të Parlamentit Evropian, ka ardhur edhe një reagim i ashpër nga Moska.

“Unë propozoj përcaktimin e Parlamentit Evropian si sponsor të idiotësisë”, shkroi zëdhënësja e Ministrisë së Jashtme ruse, Maria Zakharova në rrjetin social, “Telegram”.

Nga ana tjetër, kujtojmë se presidenti ukrainas, Volodymyr Zelenskiy u ka kërkuar SHBA-ve dhe vendeve të tjera që ta shpallin Rusinë një sponsor të terrorizmit. Zelensky ka ngritur akuza se Rusia ka vënë në shënjestër civilët ukrainas, gjë që Moska e mohon. Kësaj thirrje i janë përgjigjur disa shtete./ B.A. – CNA.al





Lajmet e fundit nga