web counter
LEXO PA REKLAMA!

SHKARKO APP

App Store
Google Play

E fundit!

x

Katër ushtarë izraelitë plagosen nga eksplozivët e Hezbollahut, në kufirin Izrael-Liban

15 Prill 2024, 15:44, Kosova & Bota CNA

Katër ushtarë izraelitë plagosen nga eksplozivët e

Grupi shiit i Libanit, "Hezbollah", deklaroi se kishte vendosur disa "pajisje shpërthyese", ndërsa ushtarët izraelitë kaluan kufirin me Libanin, ndërsa Izraeli tha se katër ushtarë të tij u plagosën pranë kufirit me Libanin, nga një shpërthim.

Është hera e parë që Hezbollahu, i cili ka shkëmbyer zjarr me Izraelin që nga shpërthimi i luftës në Gaza më shumë se gjashtë muaj më parë, ka nisur një operacion të tillë.

"Luftëtarët tanë vendosën pajisje shpërthyese në zonën Tal Ismail, afër kufirit izraelit, të cilat shpërthyen pasi ushtarët izraelitë kaluan kufirin", tha Hezbollah në një deklaratë.

Nga ana e saj, ushtria izraelite njoftoi se 4 nga ushtarët e saj "të cilët ndodheshin në një zonë në kufirin verior" u plagosën gjatë natës, njëri prej tyre në gjendje të rëndë, "pas një shpërthimi me origjinë të panjohur". Të tjerët kanë lëndime të lehta deri në mesatare, tha ai.

Ushtria izraelite nuk ka konfirmuar që ushtarët e saj kaluan kufirin për në Liban.

E pyetur nga AFP, ushtria izraelite refuzoi të shpjegonte më tej, duke u kufizuar në deklarimin se "një hetim është duke u zhvilluar". 

Sipas DPA, ushtria izraelite shtoi se 3 ushtarët e tjerë pësuan lëndime të lehta deri në mesatare dhe vuri në dukje se shkak i shpërthimit të natës ishte ende duke u hetuar./ CNA





Lajmet e fundit nga