web counter
LEXO PA REKLAMA!

SHKARKO APP

App Store
Google Play

Tronditet sërish Australia/ Sulm me thikë në një kishë në Sidney, plagosen prifti e disa besimtarë

15 Prill 2024, 15:18, Kosova & Bota CNA
Tronditet sërish Australia/ Sulm me thikë në një kishë
Sulmi me thikë në Sidnej

Disa persona u goditën me thikë gjatë meshës në një kishë të krishterë asiriane në Wakeley në Sidney, përfshirë edhe peshkopin Mar Mari Emmanuel.

Sipas mediave australiane, të plagosurit nuk janë në gjendje të rëndë. Policia ka njoftuar tashmë arrestimin e një personi.

Në videot e publikuara në rrjetet sociale, sulmuesi shihet teksa i afrohet peshkopit, i cili po kremton meshën dhe e godet me një send.

Në një deklaratë, policia tha se disa njerëz kishin pësuar "lëndime" dhe se "askush nuk është në gjendje të rrezikshme për jetën dhe të gjithë po trajtohen nga mjekët e NSW".

Autoritetet thanë se një hetim ka nisur, dhe se komunitetit lokal i ishte kërkuar që të shmangte zonën. 

Peshkopi Mar Mari Emmanuel është udhëheqësi i një sekti ultrakonservator ortodoks asirian, që ka marrë një rol të spikatur në lëvizjen e jetës së krishterë, dhe ka tërhequr të krishterët e linjës së ashpër për predikimet e tij anti-LGBTQ dhe skepticizmin në lidhje me pandeminë COVID-19.

Gjithashtu, në Sidney të shtunën gjashtë persona u vranë me thikë në një qendër tregtare. Gjesti nuk u konsiderua si akt terrorist./ CNA





Lajmet e fundit nga