web counter
LEXO PA REKLAMA!

SHKARKO APP

App Store
Google Play

E fundit!

x

ISIS planifikonte vrasjen e Papa Françeskut/ Zbulohet atentati

29 Gusht 2025, 16:49, Kosova & Bota CNA

ISIS planifikonte vrasjen e Papa Françeskut/ Zbulohet atentati

Militantët e ISIS kishin planifikuar të vristin Papa Françeskun, gjatë një vizite në Trieste një vit më parë. Lajmi u bë i ditur nga një hetim i botuar nga Il Piçolo.

Më 7 korrik 2024, Papa Françesku zhvilloi një vizitë në Trieste me rastin e mbylljes së Javës së 50-të Sociale të Katolikëve në Itali.

Një ditë përpara vizitës, një armë u gjet në një karrocë të errët të braktisur në barin e stacionit të trenit.

Sipas gazetës, në dokumentet e hetimit që i referohen kontrolleve "të inteligjencës" mbi armën, përmendet një "projekt i mundshëm vrasjeje kundër Atit të Shenjtë".

Interpoli, arrestoi në Holandë një nga të dyshuarit, një shtetas turk, Hasan Uzun, 46 vjeç. Ai tani ndodhet në burg në Trieste.

I arrestuari dyshohet se është i lidhur me armën e gjetur brenda karrocës. Është një automatik CZ model 7B kalibri 9 Luger me numër serial 5793N dhe një karikator.

Aty gjendeshin municionet: 14 fishekë. Sipas hetimeve, referuar Il Piçolo, sulmi do të ishte planifikuar nga një organizatë turke e lidhur me ISIS.

Pas ekstradimit nga Holanda, Hasan Uzun kaloi disa ditë në burg në Milano dhe tani ndodhet në një qeli izolimi në Trieste.





Lajmet e fundit nga