web counter
LEXO PA REKLAMA!

SHKARKO APP

App Store
Google Play

E fundit!

x

Përdhunimi i 18-vjeçares/ Zbardhen detaje të reja, për rastin e dinte edhe mësuesi

14 Janar 2024, 12:09, Kosova & Bota CNA

Përdhunimi i 18-vjeçares/ Zbardhen detaje të reja, për

Detaje të reja po dalin në “dritë” për vrasjen e ndodhur të martën e kaluar në Volos, kur një 50-vjeçar vrau kunatin e tij 33-vjeçar pasi abuzonte me vajzën e tij 18-vjeçare, e shantazhonte dhe e kërcënonte se do të publikonte foto dhe video të saj.   

I akuzuari pritet të dalë para hetuesisë të hënën e datës 15 janar në orën 12:00, ndërsa siç ka rrëfyer para avokatit të tij, deklaron se është penduar. 50-vjeçari, i cili ndodhet në qendrën e paraburgimit 24 orët e fundit, i ka kërkuar kriminologut të njohur Alexis Kougia që të merrte mbrojtjen e tij, së bashku me avokatin aktual Michalis Vassilikos.

“Autori i ka kuptuar përmasat e pasojave të veprimit të tij dhe e vetmja gjë që e shqetëson është e ardhmja e fëmijëve të tij. Ai pyet vetëm për fëmijët e tij dhe shqetësohet se si do të jetojnë pasi ai ishte mbështetës i tyre. I ka siguruar në jetë, i ka mbështetur financiarisht”, tha avokati i autorit, zoti Vassilikos.

18-vjeçarja së bashku me dy motrat e saj e kanë akuzuar 33-vjeçarin si shantazhues dhe përdhunues fëmijësh.

Nga hetimi ka rezultuar se edhe persona të tjerë e dinin se çfarë po ndodhte dhe do të thirren për të dëshmuar.

Fakte të reja për rastin:

Në një prononcim për televizionin "ASTRA", Alexis Kougias, tha se “ka një element tronditës” në çështjen që pritet të zbardhet në ditët në vijim.

“Ka një element tronditës, që është element zyrtar. Nuk dua të zbuloj asgjë më shumë. Para se njeriu që unë mbroj të kryente aktin e kundërligjshëm pasi kishte mësuar se çfarë po kalonte vajza e tij, 18-vjeçarja i kishte treguar më herët profesorit të saj në universitetin që ndjek se çfarë po ndodhte me të”, theksoi Kougias.

Një rol të rëndësishëm në zhvillimin e çështjes luan edhe pronarja e banesës në të cilën jetonte 18-vjeçarja, e cila ka njoftuar të atin për faturat e papaguara dhe qiranë, që kanë qenë arsyeja që babai të pyesë se çfarë po ndodh.

Pas një presioni të madh, 18-vjeçarja i ka rrëfyer makthin të atit, por pa i treguar fillimisht se kush ishte autori. Pas shumë orësh presioni, ajo i ka treguar se për kë bëhet fjalë.

Një nga shoqet e vajzës tregon se 33-vjeçari vinte në shkollë e priste sa të mbaronte mësimi, madje ngacmonte dhe vajza të tjera.

“Ai vinte jashtë shkollës, priste gjithmonë që vajza të mbaronte mësimin. Më herët ai po ngacmonte vajza të tjera madje ajo kishte ndërhyrë dhe i kishte thënë të ndalonte atë që po bën se ajo është shumë më e vogël se ai. Ka ngacmuar vajza nën 18 vjeç”, rrëfen shoqja e 18-vjeçares.

Përveç mesazheve kërcënuese në celularin e vajzës ka edhe video dhe foto nga skenat e përdhunimit dhe për këtë celulari është dërguar në laboratorët e mjekësisë ligjore për të nxjerrë të gjitha dosjet./ CNA





Lajmet e fundit nga