web counter
LEXO PA REKLAMA!

SHKARKO APP

App Store
Google Play

E fundit!

x

QKUK del me njoftim/ Si është gjendja e të plagosurve nga shpërthimi në Mitrovicë

13 Janar 2024, 22:15, Kosova & Bota CNA

QKUK del me njoftim/ Si është gjendja e të plagosurve nga

Shërbimi Spitalor Klinik dhe Universitar i Kosovës ka treguar detaje nga gjendja shëndetësore e të plagosurve nga shpërthimi në Mitrovicë.

Në një postim në rrjete sociale, QKUK tregon se 13 pacientët po marrin trajtim në spital, 4 orej tyre po kryejnë operacion.

Sipas QKUK-së, pacientët kanë djegie të shkallës së dytë dhe të tretë, në gjymtyrë të ndryshme të trupit, përfshirë, fytyrë, duar, këmbë dhe pjesë të tjera të trupit.

“Në Qendrën Klinike dhe Universitare të Kosovës, po trajtohen 13 pacientë si pasojë e djegieve nga shpërthimi i bombolës së gazit në fshatin Kçiç të Mitrovicës.

Pacientët pasi kishin marrë trajtimin fillestar në Spitalin e Përgjithshëm të Mitrovicës, janë sjellë në QKUK.

Pacientët kanë djegie të shkallës së dytë dhe të tretë, në gjymtyrë të ndryshme të trupit, përfshirë, fytyrë, duar, këmbë dhe pjesë të tjera të trupit.

Ekipi emergjent në përbërje të mjekëve specialistë të profileve të ndryshme dhe infermierëve po trajton që të trembëdhjetë pacientët. Katër nga ta janë duke u operuar në sallën e operacionit.

Meqë trajtimi është duke vazhduar dhe gjendja shëndetësore mund të pësojë ndryshime, mjekët kërkojnë mirëkuptim nga mediet dhe publiku. Informatat e plota do të jepen pas ekzaminimeve finale nga mjekët kujdestar”, thuhet në njoftim./ CNA





Lajmet e fundit nga