web counter
LEXO PA REKLAMA!

SHKARKO APP

App Store
Google Play

E fundit!

x

Kush janë rebelët Huthi që po sulmohen nga SHBA-ja dhe Britania e Madhe

12 Janar 2024, 08:27, Kosova & Bota CNA

Kush janë rebelët Huthi që po sulmohen nga SHBA-ja dhe Britania e

Sulmet me dronë dhe raketa mbi anijet e ngarkesave në Detin e Kuq kanë nxitur tani forcat e udhëhequra nga SHBA dhe Britania e Madhe të organizojnë sulme ajrore mbi objektivat në rajon.

Forcat perëndimore morën masa pasi anijet u sulmuan nga Huthi, një grup rebel i mbështetur nga Irani që kontrollon një pjesë të madhe të Jemenit.

Presidenti i SHBA-së, Joe Biden, tha se ushtria e SHBA-së dhe e Mbretërisë së Bashkuar kanë nisur me sukses sulmet herët të premten kundër objektivave Huthi me mbështetjen e Australisë, Bahrejnin, Kanadasë dhe Holandës. 

Objektivat Huthi në Jemen përfshijnë qendra logjistike, sisteme të mbrojtjes ajrore dhe depo armësh.

Kush janë rebelët Huthi?

Huthi janë një grup i armatosur nga një nënsekt i pakicës myslimane shiite të Jemenit, Zaidët. Ata e kanë marrë emrin e tyre nga themeluesi i lëvizjes, Hussein al Houthi.

I njohur zyrtarisht si Ansar Allah (Partizanët e Zotit), grupi u formua në vitet 1990 për të luftuar atë që ata e panë si korrupsionin e presidentit të atëhershëm, Ali Abdullah Saleh.

Presidenti Saleh, i mbështetur nga ushtria e Arabisë Saudite, u përpoq të eliminonte rebelët Huthi në vitin 2003.

Rebelët Huthi kanë qenë në një luftë civile që nga viti 2014 kundër qeverisë së Jemenit.

Nga fillimi i vitit 2022, lufta kishte shkaktuar rreth 377,000 vdekje dhe kishte zhvendosur katër milionë njerëz , sipas OKB-së.
Huthë deklarojnë se janë pjesë e "boshtit të rezistencës" të udhëhequr nga Irani kundër Izraelit, SHBA-së dhe Perëndimit më gjerë, së bashku me Hamasin dhe Hezbollahun./CNA





Lajmet e fundit nga